ដីស្ថានីយរថភ្លើងភ្នំពេញ​​ជាង​១,៧ហិកតាត្រូវ​ធ្វើ​អនុបយោគ​​ជា​ទ្រព្យសម្បត្តិឯកជនរបស់រដ្ឋ​

ប្រភព៖ VOD ដោយ៖​ ស៊ុន​ ណារិន​ | ថ្ងៃចន្ទ ទី18 ឧសភា 2015

រដ្ឋាភិបាល​កម្ពុជា​បាន​ចេញ​ អនុក្រឹត្យ​មួយ​ដោយ​ធ្វើ​អនុបយោគ​ដី​រាជាយស្ម័យយានរាជធានីភ្នំពេញ ដែល​មាន​​​ទំហំដីជាង​១,៧ហិកតា​ទៅ​ជា​ទ្រព្យសម្បត្តិ​​ឯកជន​របស់​រដ្ឋវិញ​។​

អនុក្រឹត្យ​ស្តី​ពី​ការធ្វើ​អនុបយោគ​ប្តូរចំណាត់ថ្នាក់​ពីទ្រព្យ​ សម្បត្តិ​សាធារណៈ​របស់​រដ្ឋមក​ជា​ទ្រព្យ​សម្បត្តិ​ឯកជន​របស់​រដ្ឋ​ ចុះ​ហត្ថលេខាដោយ​លោក​នាយករដ្ឋមន្រ្តី ហ៊ុន សែន កាលពីថ្ងៃ​ទី​១៧​ខែមេសា ឆ្នាំ​២០១៥​ឲ្យ​ដឹង​​ថា​ដី​បឹង​កំប្លោក រាជាយស្ម័យយានកម្ពុជា​នៃ​ក្រសួង​សាធារណៈ​ការ និង​ដឹកជញ្ជូន​ ស្ថិត​នៅ​ផ្លូវ​លេខ​១១០ ភូមិ​៣ សង្កាត់​ស្រះចក​ ខណ្ឌដូនពេញ រាជធានីភ្នំពេញ មានទំហំសរុប​​១៧២១០,៩៧ម៉ែត្រក្រឡា ត្រូវ​ធ្វើ​អនុបយោគជា​ទ្រព្យ​សម្បត្តិ​ឯកជន​របស់​រដ្ឋវិញ។​ បើតាមអនុក្រឹត្យ​ កន្លែង​ផ្សេងៗ​ដែល​ត្រូវ​បាន​ធ្វើ​អនុ​បយោគរួមមានទីស្នាក់ការភូមិ​ពោង​ពាយ​រ ​បស់​ក្រសួង​មហាផ្ទៃ​ ស្ថិត​នៅ ភូមិ​ពោង​ពាយ សង្កាត់​ភ្នំពេញ​ថ្មី​ខណ្ឌ​សែនសុខ ទំហំ​៧១០ម៉ែត្រ​ក្រឡា ដីមួយផ្នែក​រោងចក្រ​ឥដ្ឋ​ទី​១ ​ចាក់អង្រែលើ​របស់​ក្រសួង​ដែន​ដី នគរូបនីយកម្ម និង​សំណង់ ​ស្ថិត​នៅ​ភូមិ​ព្រែក​តាគង់ សង្កាត់​ចាក់អង្រែ​លើ​ ខណ្ឌមានជ័យ ទំហំ​៥០៦៤០ហិកតា​ អគារ​លេខ​១០អតីត​រដ្ឋ​ភណ្ឌាគាររបស់​ក្រសួង​ពាណិជ្ជកម្ម​ ស្ថិត​នៅ​ផ្លូវ​កម្ពុជា​ក្រោម​ សង្កាត់​ផ្សារ​ថ្មីទី​២ ខណ្ឌ​ដូនពេញ រាជធានីភ្នំពេញ ទំហំ​សរុប​៥៥១ម៉ែត្រ​ក្រឡា។​​

អនុក្រឹត្យ​បញ្ជាក់​ថា​ការ​លុប​ទីតាំងខាង​លើ​​ចេញពី​បញ្ជី​សារពើ​ភ័ណ្ឌ​ ទ្រព្យ​សម្បត្តិ​រដ្ឋ​ត្រូវ​ស្ថិ​តនៅ​ក្រោម​ការ​ចាត់​​ចែង​នីតិវិធី​ដោយ​ ក្រសួង​សាធារណៈការ និង​ដឹកជញ្ជូន​ ក្រសួង​មហាផ្ទៃ ក្រសួងពាណិជ្ជកម្ម ក្រសួង​រៀបចំដែនដី នគរូបនីយកម្ម និង​សំណង់ និង​ក្រសួង​សេដ្ឋកិច្ច និង​ហិរញ្ញវត្ថុ។​

អ្នកនាំពាក្យ​គណបក្ស​សង្រ្គោះជាតិ លោក យឹម សុវណ្ណ មានប្រសាសន៍ថា​គណបក្សសង្រ្គោះជាតិ​មិន​គាំទ្រ​ឲ្យ​​មាន​ការ​ធ្វើ​អនុបយោគ​ ដីរាជាយស្ម័យយាននោះទេ​ ដោយ​លោក​ចាត់​ទុក​ថា​នេះ​ជា​ទ្រព្យសម្បត្តិ​មានប្រយោជន៍សម្រាប់​រដ្ឋ។​  លោក​បន្ត​ថា​កន្លង​ទៅ រដ្ឋាភិបាល​បាន​ធ្វើ​ឲ្យ​បាត់​បង់ទ្រព្យ​សម្បត្តិជាតិជាច្រើន​ ​តាមរយៈ​ការ​​ធ្វើ​អនុបយោគ ដោយ​បើក​មាន​ការ​លក់​ទៅ​ឲ្យ​ក្រុម​ហ៊ុន​ឯកជន។​លោក​បាន​បញ្ជាក់​​ថា​ច្បាប់​ ភូមិបាល​កម្ពុជា​មានភាព​ខ្វះចន្លោះ​ ដោយអនុញ្ញាត​ឲ្យ​មាន​ការ​ធ្វើ​អនុបយោគដីដែល​ជាទ្រព្យ​សម្បត្តិ​រដ្ឋ។​

លោក​បញ្ជាក់​ថា​«គួរ​តែ​បញ្ឈប់​ការលក់ ​ផ្ទេរ ឬ​ផ្លាស់ប្តូរ​ដីពីទ្រព្យសម្បត្តិសាធារណៈរបស់រដ្ឋទៅ​ជា​ទ្រព្យសម្បត្តិ​ ឯកជនរបស់រដ្ឋ​ ដែល​បង្ក​ឱកាស​មាន​មាន​ការលក់ បាត់​បង់ទ្រព្យសម្បត្តិ​របស់​រដ្ឋ​ដែល​ជា​ផលប្រយោ​ជន៍ជាតិ។ ខ្ញុំយល់ឃើញ​ថា​គួរតែ​ទុក​(រាជាយស្ម័យយាន)វិញ​ ជា​ទ្រព្យសម្បត្តិរបស់រដ្ឋដែលមិន​អាច​​លក់​បាន ដើម្បី​កុំ​ឲ្យ​បាត់​បង់​ទ្រព្យសម្បត្តិជាតិដែល​ជា​ផលប្រយោជន៍ជាតិ»។​

VODមិនទាន់​អាច​ទាក់​ទង​អ្នកនាំពាក្យ​រដ្ឋាភិបាល លោក ផៃ ស៊ីផាន ដើម្បី​សុំ​ការ​អត្ថាធិប្បាយ​លើ​បញ្ហានេះ​បាន​នៅឡើយទេ។​

យោងតាមមាត្រា១៦នៃច្បាប់ភូមិបាល​ដែល​ត្រូវ​បាន​ប្រកាស​ឲ្យ​ប្រើ​ប្រាស់​នៅ ​ឆ្នាំ​២០០១ ទ្រព្យសម្បត្តិ​សាធារ​​ណៈ​​រប​ស់​រដ្ឋ នៅ​ពេល​បាត់បង់​ផល​ប្រយោជន៍​សាធារណៈ អាច​ត្រូវ​ចាត់​បញ្ចូល​ជា​ទ្រព្យសម្បត្តិ​ឯកជន​របស់​​រដ្ឋ​តាម​រយៈ​ច្បាប់​ អនុបយោគ។ ចំណែក​មាត្រា​១៦ចែងថា​ទ្រព្យសម្បត្តិ​ឯកជន​របស់​រដ្ឋ ​និង​របស់​នីតិបុគ្គល​​សាធារណៈ អាច​ជា​កម្មវត្ថុ​នៃ​ការ​លក់ ការ​ដូរ ការ​បែងចែក​ឬ​ការ​ផ្ទេរ​សិទ្ធិ​តាម​ការ​កំណត់​ដោយ​ច្បាប់។​ ទ្រព្យ​ទាំង​នោះ​អាច​ផ្ដល់​ឱ្យ​តាម​រយៈ​ភតិសន្យា និង​ជា​កម្មវត្ថុ​នៃ​កិច្ចសន្យា ដែល​បាន​ធ្វើឡើង​ត្រឹមត្រូវ​តាម​​ច្បាប់។ លក្ខខណ្ឌ​ទាំងឡាយ​និង​នីតិវិធី​នៃ​ការ​លក់ និង​ការ​គ្រប់គ្រង​ទ្រព្យសម្បត្តិ​ឯកជន​របស់​រដ្ឋ​និង​របស់​​នីតិបុគ្គល​ សាធារណៈ​នឹង​កំណត់​ដោយ​អនុក្រឹត្យ។ គ្មាន​ការ​លក់​ណាមួយ​អាច​ត្រូវ​បាន​សម្រេច​ដោយ​​គ្មាន​អនុ​ក្រឹត្យ​នេះ​ឡើ​ យ។

បើតាមឯកសារប្រវត្តិសាស្រ្ត ​រាជាយស្ម័យយានរាជធានីភ្នំពេញត្រូវ​បាន​បង្កើ​តឡើង​តាំងពី​ឆ្នាំ​១៩៣២។ ​ រាជាយ​ស្ម័យ​យាន​នេះ​ជា​ស្ថានីយរថភ្លើង​ចេញចូល​ពី​ភ្នំពេញ​ទៅ​បាត់​ដំបង និង​ពី​បាត់ដំបងមកភ្នំពេញ៕

Advertisements

សហគមន៍​ផ្លូវ​រថភ្លើង​រក​អន្តរាគមន៍​ពី​បរទេស​ទប់ស្កាត់​ការបណ្តេញចេញ​​

ប្រភព៖  VOD ដោយ៖​ ថោ ស៊ីណា​​ | ថ្ងៃចន្ទ ទី11 ឧសភា 2015,

សហគមន៍​ផ្លូវ​រថភ្លើង​ចំនួន៨ ក្នុង​រាជធានី​ភ្នំពេញ រក​អន្តរាគមន៍​ពី​ស្ថានទូត​បរទេស​មួយ​ដើម្បី​ទប់ស្កាត់​ការបណ្តេញ​ចេញ​ទាំង​បង្ខំ ក្រោម​គម្រោង​អភិវឌ្ឍន៍​របស់​រាជរដ្ឋាភិបាល​ ។
​ការស្វែងរក​អន្តរាគមន៍​នេះ ដោយ​ពួកគេ​ធ្វើ​ស​ន្និសីទ​សារព័ត៌មាន​មុខ​ស្ថានទូត​ហ្វីលីពីន​ប្រចាំ​កម្ពុជា ដើម្បី​ដាក់​លិខិត​ទៅ​ស្ថានទូត​នៅ​ថ្ងៃ​ទី១១ ខែឧសភា​នេះ ​។

​តំណាង​សហគមន៍​ទូល​សង្កែ​ពីរ លោក ឡុង ច័ន្ទ​ឌី អះអាងថា ធនាគារ​អភិវឌ្ឍន៍អាស៊ី មិន​ធ្វើ​តាម​ពាក្យ​សម្តី​របស់​ដែល​ខ្លួន​បាន​សន្យា​ជាមួយ​ប្រជា​សហគមន៍​ផ្លូវ​រថភ្លើង ដែល​ថា​នឹង​ផ្តល់​ព័ត៌មាន​លម្អិត​ពីរ​គម្រោង​របស់​ខ្លួន​ទៅ​ពលរដ្ឋ ទាក់ទង​នឹង​គម្រោង​សាងសង់​ផ្លូវ​រថភ្លើង​នេះ​ទេ ​។ លោកថា លោក​ស្នើ​ឲ្យ​ស្ថានទូត​ហ្វីលីពីន ជំរុញ​ឲ្យធនាគារ​អភិវឌ្ឍន៍អាស៊ី​នៅ​ទីក្រុង​ម៉ា​និល​ប្រទេស​ហ្វីលីពីន ដាក់​សម្ពាធ​លើ ADB ប្រចាំ​កម្ពុជា​ផ្ដល់​ព័ត៌មាន​លម្អិត​ពី​គម្រោង​ផ្លូវ​ដែក ​ដែល​បាន​សន្យា​ជាច្រើន​ដង​ជាមួយ​ពលរដ្ឋ​ខ្មែរ ។

​ប្រជា​សហគមន៍​ម្នាក់ទៀត គឺ​អ្នកស្រី នី សន្តោស ឲ្យដឹងថា អ្នកស្រី​ខ្លាច​ការអភិវឌ្ឍ​នេះ នឹង​ធ្វើឲ្យ​អនាគត​របស់​អ្នកស្រី និង​អនាគត​ពលរដ្ឋ​តាម​ដងផ្លូវ​រថភ្លើង​នេះ មាន​វាសនា​ដូច​អ្នក​បឹងកក់ និង​បុរី​កីឡា​ជាដើម​ ។

​មន្ត្រី​ស្ថានទូត​ហ្វីលីពីន លោក ប៉ា​លែ​ន​ស្សា សន្យា​ជាមួយ​ពលរដ្ឋ​នៅ​មុខ​ស្ថានទូត​នោះ​ថា លោក​នឹង​ដាក់​លិខិត​របស់​ពលរដ្ឋ​ទៅ​ទី​ស្នាក់​កណ្តាល​របស់​ធនាគា​រ ADB បន្ទាប់ពី​ក្រុម​ការងារ​លោក បកប្រែ​លិខិត​នោះ​ពី​ភាសា​ខ្មែរ​ទៅ​ភាសា​អង់គ្លេស​រួចរាល់ ​។

​អ្នកគ្រប់គ្រង​បច្ចេកទេស​ស៊ើបអង្កេត​នៃ​អង្គការ​លីកាដូ លោក អំ សំអាត ថ្លែងថាពលរដ្ឋ​នៅ​ផ្លូវ​រថភ្លើង​នោះ​អស់ជំនឿលើ​រដ្ឋាភិបាល​កម្ពុជា និង​ធនាគារ ADB​ ប្រចាំ​នៅ​កម្ពុជា​ហើយ ទើប​ស្វែងរក​កិច្ច​អន្តរាគមន៍​ពី ADB នៅ​ក្រៅប្រទេស ។

តាម​សេចក្តីថ្លែងការណ៍​រួម​ ដែល​បានដាក់​ជួន​ស្ថានទូត​ហ្វីលីពីន​នៅថ្ងៃនេះ អ្នក​តវ៉ា​បាន​ចោទ​ធនាគារអភិវឌ្ឍន៍អាស៊ី ថា​ជា​ដើមហេតុ​មួយ​ក្នុងចំណោម​ដើមហេតុ​ជាច្រើន ដែល​បង្ក​ឲ្យមាន​ការអភិវឌ្ឍផ្លូវរ​ថ​ភ្លើង​នេះ ព្រោះ​ធនាគារ​នេះ​ជា​អ្នក​ធានា​ផ្តល់​ប្រាក់​កម្ចី​ដល់​រដ្ឋាភិបាល​កម្ពុជា​ ។ គម្រោង​ស្តារ​ផ្លូវ​រថភ្លើង​នេះ បង្កការភ័យខ្លាច​ដល់​ពលរដ្ឋ​ជាង ៣០០០​គ្រួសារ ៕​

ប្រជា​សហគមន៍ ផ្លូវ​រថភ្លើង​ប្រមូលផ្តុំ មុខ​ស្ថានទូត​ហ្វីលីពីន ដើម្បី​សុំ​អន្តរាគមន៍​

ប្រភព៖ cen.com.kh ថ្ងៃទី 11 ឧសភា 2015 ដោយ៖ មុនីរាជ
ភ្នំពេញ: នៅ​ព្រឹក​ថ្ងៃទី​១១ ខែឧសភា នេះ ប្រជា​សហគមន៍​ផ្លូវ​រថភ្លើង ក្នុង​រាជធានី​ភ្នំពេញ បាន នាំគ្នា​ទៅ​ប្រមូលផ្តុំនៅមុខ​ស្ថានទូត​ហ្វីលីពីន ដើម្បី​ធ្វើ​សន្និសីទកាសែត ក្នុង​គោលបំណង​ដើម្បី​ស្នើសុំ​ឲ្យ​ធនាគារអភិវឌ្ឍន៍អាស៊ី ប្រចាំ​នៅ​ហ្វីលីពីន ជួយ​ធ្វើ​អន្តរាគមន៍ មកលើ​ធនាគារអភិវឌ្ឍន៍អាស៊ី​ប្រចាំ​នៅ​កម្ពុជា ដើម្បី​ផ្តល់ព័ត៌មាន​លម្អិត ទាក់ទង​នឹង​គម្រោង​អភិវឌ្ឍន៍​ផ្លូវដែក ជូន​ប្រជា​សហគមន៍​ផ្លូវដែកនៅ​រាជធានី​ភ្នំពេញ​។​

​យោងតាម​ សេចក្តីថ្លែងការណ៍​របស់ ប្រជា​សហគមន៍​ផ្លូវ​រថភ្លើង បាន​ឲ្យ​ដឹងថា ពួកគាត់​នៅតែ​រក្សា​ជំហរ ទាមទារ​ឲ្យ​មាន​កិច្ចប្រជុំ ជា​ត្រីភាគី ដែលមាន​តំណាង​សហគមន៍ ចំនួន​៨​នាក់​តំណាង​ក្រុមហ៊ុន ថូ​ល​រ៉ូយ៉ាល់ ក្រុមហ៊ុន រ៉ូយ៉ាល់​គ្រុប ដែលមាន​សិទ្ធិអំណាច ពេញ លេញ​ក្នុងការ​ឆ្លើយតប​សំណួរ របស់​ប្រជាពលរដ្ឋ និង​ភាគី​តំណាង​ធនាគារអភិវឌ្ឍន៍៍អាស៊ី ប្រចាំ​កម្ពុជា​។​

​ ប្រជាពលរដ្ឋ បាន​បញ្ជាក់ថា ប្រជា​សហគមន៍​ផ្លូវដែក បាន​ព្យា​យ​យាម ជាច្រើនលើក​ច្រើនសា ក្នុងការ​ទាមទារ​យក​ព័ត៌មាន​លម្អិត ស្តីពី​គម្រោង​ផ្លូវដែក​នៅ​កម្ពុជា ជាពិសេស​នៅក្នុង​តំបន់​រាជធានី​ភ្នំពេញ​។ ដោយហេតុ​ធនាគារអភិវឌ្ឍន៍អាស៊ី ប្រចាំ​កម្ពុជា ព្យាយាម​ពន្យារពេល​រហូត​តាំងពី​លិខិតដែល​ប្រជាពលរដ្ឋ បានដាក់​ទៅនៅ​ថ្ងៃទី​៤ ខែសីហា ឆ្នាំ​២០១៤ គឺ​នៅតែ​គ្មាន​ដំណោះស្រាយ​។​

​ ប្រជាពលរដ្ឋ បាន​ទទូច​ឲ្យ​ធនាគារអភិវឌ្ឍន៍អាស៊ី ផ្តល់ព័ត៌មាន​លំអិត​ពី គម្រោង​នេះ​ដល់​ប្រជាពលរដ្ឋ​ដោយហេតុថា ធនាគារអភិវឌ្ឍន៍អាស៊ី ផ្តល់ប្រាក់​កម្ចី​ដល់ រាជរដ្ឋាភិបាល ប្រាកដ​ជាមាន​ព័ត៌មាន​លំអិត​ពី គម្រោង​អភិវឌ្ឍន៍​ផ្លូវដែក​នៅ​កម្ពុជា​។ ធនាគារអភិវឌ្ឍន៍ អាស៊ី ជា​ស្ថាប័ន​អន្តរជាតិ ត្រូវមាន​តម្លាភាព និង​ស្មារតី​ទទួលខុសត្រូវ​ខ្ពស់ ចំពោះ​គ្រួសារ​ដដែល ទទួលរង​ផលប៉ះពាល់​ដោយផ្ទាល់ និង​ដោយ​ប្រយោល​ពីគម្រោង​គាំទ្រ​របស់ខ្លួន​៕ –

 

No More ADB Funding to Finish Stalled Railway Project

By: Zsombor Peter , The Cambodia Daily, | March 11, 2015

Visiting Asian Development Bank (ADB) President Takehiko Nakao said Tuesday that no more money would be forthcoming from the bank to complete a stalled and bankrupt project to rehabilitate Cambodia’s old railway lines, a $142 million effort that had been billed as a key infrastructure initiative.

The ADB has put up most of the money for the work. And while the southern line from Phnom Penh to Sihanoukville is up and running, most of the work on the much longer stretch between the capital and Poipet City on the Thai border remains undone. At least $75 million is estimated to be needed to finish the line.

CD 001

Asian Development Bank President Takehiko Nakao, left, speaks during a press conference at the Bank’s office in Phnom Penh on Tuesday. (Siv Channa/The Cambodia Daily)

But at a press conference in Phnom Penh on Tuesday, Mr. Nakao said the money would not come from the ADB.

“The remaining part of our finance…will be used for taking care of the existing railway, the southern part and the completed part of the northern line,” he said. “That is the present state.”

Mr. Nakao said he was not aware of any plans the government might have for completing the work with other funds and that the project was not discussed during his meetings earlier in the day with Prime Minister Hun Sen and other officials.

In December, the ADB unveiled a five-year loan plan for Cambodia worth $800 million, including $148 million for trade and transportation projects. ADB country director Eric Sidgwick, who joined Tuesday’s press conference, said none of it would be spent on finishing the railway project—because the government had not asked.

“We have not received a request from the government,” Mr. Sidgwick said. “So when you see the transport pipeline, $148 million for that, these are for projects that have already been discussed with the government and there is government demand for these projects. So as of now, we have not received a request for that.”

The railway project has come under heavy rebuke from rights groups over the 4,000 families who have lost all or part of their land along the tracks to make way for the upgrade.

After commissioning an independent assessment, the ADB last year admitted to making major mistakes in designing and carrying out the project, mistakes that made the families who lost land worse off—a breach of bank policy. Under a government-approved aid plan, the families are in line to receive additional compensation to make up for their losses.

Mr. Nakao, who is scheduled to leave Cambodia Wednesday, said the ADB was still deciding how to provide the additional compensation.

One option the bank is considering, also criticized by rights groups, is to provide more microfinance loans to families forced to take on new debt because of their evictions.

 

ធនាគារ​អភិវឌ្ឍន៍​អាស៊ី​មិន​បន្ត​ផ្តល់​ប្រាក់​កម្ចី​ដើម្បី​ជួសជុល​ផ្លូវ​ដែក​នៅ​កម្ពុជា

ដោយ៖កែវ និមល, វិទ្យុអាស៊ីសេរី,  ថ្ងៃទី១១ខែមីនា ឆ្នាំ២០១៥

RFA 001

ខ្សែ​រថភ្លើង​ពី​រាជធានី​ភ្នំពេញ ទៅ​កាន់​ស្រុក​ទូកមាស ខេត្ត​កំពត ក្នុង​ពេល​សម្ពោធ​ឲ្យ​ប្រើប្រាស់​ជា​ផ្លូវការ នៅ​ថ្ងៃ​ទី​២២ ខែ​តុលា ឆ្នាំ​២០១០។ RFA/Mom Sophon

ការ​ជួសជុល​ផ្លូវ​ដែក​នៅ​កម្ពុជា បាន​សម្រេច​តែ​នៅ​ភាគ​ខាង​ត្បូង​ប្រទេស​ប៉ុណ្ណោះ ចំណែក​ផ្លូវ​ដែក​ភាគ​ខាង​ជើង​ប្រទេស មិន​ទាន់​ជួសជុល​បាន​សម្រេច​ទាំង​ស្រុង​នៅ​ឡើយ​ទេ។ កន្លង​មក ធនាគារ​អភិវឌ្ឍន៍​អាស៊ី អេឌីប៊ី (ADB) ជាមួយ​ក្រុមហ៊ុន​ផ្លូវ​ដែក​ប្រទេស​អូស្ត្រាលី បាន​រួម​គ្នា​ជួសជុល​ផ្លូវ​ដែក​នេះ តែ​មាន​បញ្ហា​ជាច្រើន​កើត​ឡើង ធ្វើ​ឲ្យ​ការ​ស្ដារ និង​ជួសជុល​ផ្លូវ​ដែក​នេះ មិន​ទទួល​បាន​ជោគជ័យ​ទាំង​ស្រុង​ទេ។

ប្រធាន​ធនាគារ​អភិវឌ្ឍន៍​អាស៊ី ដែល​មក​បំពេញ​ទស្សនកិច្ច​នៅ​កម្ពុជា ប្រកាស​ថា ធនាគារ​អភិវឌ្ឍន៍​អាស៊ី មិន​បន្ត​ផ្តល់​ប្រាក់​កម្ចី​ថ្មី​ដើម្បី​ជួសជុល​ផ្លូវ​ដែក​នៅ​កម្ពុជា ទេ។ កន្លង​មក ធនាគារ​អភិវឌ្ឍន៍​អាស៊ី បាន​ផ្តល់​ប្រាក់​កម្ចី​ប្រមាណ ១៤២​លាន​ដុល្លារ ដើម្បី​ជួសជុល​ផ្លូវ​ដែក​នៅ​កម្ពុជា។

ថ្លែង​នៅ​ក្នុង​ឱកាស​សន្និសីទ​កាសែត​កាល​ពី​ថ្ងៃ​ទី​១០ មីនា ក្នុង​ពេល​បំពេញ​ទស្សនកិច្ច​ការងារ​នៅ​កម្ពុជា និង​ក្រោយ​ពី​ជួប​ជាមួយ​មន្ត្រី​ជាន់​ខ្ពស់ ដូចជា​លោក​នាយក​រដ្ឋមន្ត្រី ហ៊ុន សែន ជាដើម​នោះ ប្រធាន​ធនាគារ​អភិវឌ្ឍន៍​អាស៊ី លោក តាកិហិកូ ណាកៅ (Takehiko Nakao) មាន​ប្រសាសន៍​ថា កម្ពុជា បាន​ប្រើប្រាស់​ប្រាក់​កម្ចី​ធនាគារ​អភិវឌ្ឍន៍​អាស៊ី ក្នុង​ការ​ជួសជុល​ផ្លូវ​ដែក ហើយ​ផ្លូវ​ដែក​ភាគ​ខាង​ត្បូង​ប្រទេស​ពី​ទីក្រុង​ភ្នំពេញ ទៅ​កាន់​ខេត្ត​ព្រះសីហនុ បាន​ជួសជុល​រួច និង​ដំណើរ​ការ​ហើយ។ ចំណែក​ផ្លូវ​ដែក​ភាគ​ខាង​ជើង​ប្រទេស​ពី​ភ្នំពេញ ទៅ​កាន់​ប៉ោយប៉ែត ខេត្ត​បន្ទាយមានជ័យ នោះ មិន​ទាន់​បាន​ជួសជុល​ហើយ​ទាំង​ស្រុង​ទេ។ គម្រោង​ជួសជុល​ផ្លូវ​ដែក​ភាគ​ខាង​ជើង​ប្រទេស​នេះ ត្រូវ​ការ​ប្រាក់​ប្រមាណ ៧៥​លាន​ដុល្លារ​បន្ថែម​ទៀត។

លោក​ប្រធាន​ធនាគារ​អភិវឌ្ឍន៍​អាស៊ី បាន​ប្រាប់​អ្នក​កាសែត​ឲ្យ​ដឹង​ថា ក្នុង​ពេល​ជួប​ជាមួយ​មន្ត្រី​ជាន់​ខ្ពស់​កម្ពុជា គ្មាន​ការ​ពិភាក្សា​ណា​មួយ​ទាក់ទង​រឿង​ជួសជុល​ផ្លូវ​ដែក​ដែល​នៅ​សេសសល់​នោះ​ ទេ ហើយ​លោក​មាន​ជំនឿ​ថា ប្រាក់​ដើម្បី​បន្ត​ការ​ជួសជុល​នោះ​មិន​មែន​ជា​ប្រាក់​មក​ពី​ខាង​ធនាគារ​ អភិវឌ្ឍន៍​អាស៊ី នោះ​ទេ។

ទាក់ទង​គម្រោង​ជួសជុល​ផ្លូវ​ដែក​ដែល​មិន​ទាន់​សម្រេច​ទាំង​ស្រុង​នេះ លោក អៀង វុទ្ធី ប្រធាន​អង្គការ​សមធម៌ មាន​ប្រសាសន៍​នៅ​ថ្ងៃ​ទី​១១ មីនា ថា នេះ​ជា​កំហុស​មួយ​របស់​ធនាគារ​អភិវឌ្ឍន៍​អាស៊ី ក្នុង​ការ​រួម​ចំណែក​រំលោភ​សិទ្ធិ​មនុស្ស​នៅ​កម្ពុជា ហើយ​ប៉ះពាល់​ដល់​ប្រជាពលរដ្ឋ​រស់នៅ​អម​សង​ខាង​ផ្លូវ​ដែក​ជាច្រើន​ពាន់​នាក់។ លោក​មាន​ប្រសាសន៍​ថា អេឌីប៊ី ធ្វេសប្រហែស​មិន​បាន​សិក្សា​ស៊ី​ជម្រៅ មាន​ការ​ខ្វះ​ចន្លោះ។ គោល​នយោបាយ​ដែល​ដាក់​មក​ដោយ អេឌីប៊ី នេះ គឺ​មិន​សមស្រប។ យើង​បាន​ជួប​តំណាង អេឌីប៊ី តាំង​ពី​ឆ្នាំ​២០១០ បាន​ប្រាប់​គាត់​ថា គោល​នយោបាយ​របស់ អេឌីប៊ី នោះ បើ​យក​មក​អនុវត្ត គឺ​ប្រជាពលរដ្ឋ​នឹង​មាន​ការ​លំបាក ជួប​ការ​ខ្វះខាត ហើយ អេឌីប៊ី មិន​ស្តាប់​តាម​យើង​ទេ​ពេល​នោះ។ អ៊ីចឹង ដល់​ពេល​អនុវត្ត គឺ​ប្រជាពលរដ្ឋ​បាន​សំណង​តិច​មែន​ទែន មាន​ខ្លះ​បាន ៥០០​ដុល្លារ ខ្លះ​បាន​តិច​ជាង ១.០០០​ដុល្លារ។ ការ​សង​សំណង​បែប​នេះ​មិន​គ្រប់គ្រាន់​ទេ។

វិទ្យុ​អាស៊ីសេរី ទាក់ទង​សុំ​ការ​បកស្រាយ​ពី​មន្ត្រី​អ្នក​នាំ​ពាក្យ​ក្រសួង​សាធារណការ និង​ដឹក​ជញ្ជូន អំពី​រឿង​ប្រើប្រាស់​ថវិកា​ធនាគារ​អភិវឌ្ឍន៍​អាស៊ី ជួសជុល​ផ្លូវ​ដែក​នេះ តែ លោក ផែង សុវិជ្ជានោ មាន​ប្រសាសន៍​ថា លោក​ជាប់​រវល់ មិន​ទាន់​អាច​បកស្រាយ​បាន​ទេ។

ប្រភព​មន្ត្រី​អង្គការ​សមធម៌ បាន​ឲ្យ​ដឹង​ថា មាន​ប្រជាពលរដ្ឋ​ជាច្រើន​ពាន់​នាក់​ទទួល​ផល​ប៉ះពាល់​ដោយសារ​គម្រោង​ជួសជុល​ ផ្លូវ​ដែក​ទាំង​ភាគ​ខាង​ត្បូង និង​ភាគ​ខាង​ជើង​ប្រទេស។ ប្រជាពលរដ្ឋ​ជាង ១.០០០​គ្រួសារ ត្រូវ​ផ្លាស់​ទីលំនៅ និង​ជាង ៤.០០០​គ្រួសារ ត្រូវ​បាត់​បង់​ដី​យ៉ាង​តិច ៧​ម៉ែត្រ​អម​សង​ខាង​ផ្លូវ​ដែក​ទៅ​ភាគ​ខាង​ត្បូង និង​ខាង​ជើង​ប្រទេស។ ក្រៅ​ពី​នោះ មាន​ប្រជាពលរដ្ឋ​ជាច្រើន​នាក់ ត្រូវ​បាត់​បង់​មុខ​របប​ចិញ្ចឹម​ជីវិត ជំពាក់​បំណុល​គេ និង​កូន​ចៅ​ត្រូវ​ខាន​រៀន​សូត្រ៕

China train firm still eyeing rail potential

By:May Kunmakara, The Phnom Penh Post  January 30, 2015

The company behind Cambodia’s mysterious $9.6 billion railway is back in town, this time they are considering the feasibility of another railway project.

In January 2013, the China Railway Group Limited announced a $9.6 billion railway line to run from Preah Vihear province in the north to Koh Kong province in the south.

Shrouded in secrecy, construction of the 400-kilometre line is yet to begin.

President of the organisations subsidiary, China Railway International Group, Lu Bo met with the Minister of Commerce Sun Chanthol on Wednesday saying his firm wants to do a feasibility study on another railway in Cambodia, a post on the ministry’s Facebook page states.

Chanthol urged the company to submit a project proposal to the government. No further details were given, nor was the 2013 project mentioned.

The Commerce Ministry could not be reached yesterday.

Ly Borin, head of railroads at the Ministry of Public Works and Transport said he had not spoken to China railway on their recent visit and did not know the status of the north-south railway.

“As far as I know, the company doesn’t have enough money,” he said. “Right now, I don’t know what happened about the project.“

 

ថៃ-ជប៉ុន​ គ្រោង​សង់​ផ្លូវដែក​ភ្ជាប់​កម្ពុជា

ដោយ៖ The Bangkok Post, ភ្នំពេញប៉ុស្ដិ៍ុំ,  ថ្ងៃទី៣០ខែមករា ឆ្នាំ២០១៥

PP 008

អ្នកដំណើរ​កំពុង​ចុះ​ពី​រថភ្លើង​ផ្លូវ​លើ​នៅ​ទីក្រុង​បាងកក។ bloomberg

ក្រុងបាងកកៈ ប្រទេស​ថៃ និង​ជប៉ុន​បាន​យល់ព្រម​ជា​គោលការណ៍​ស្ដីពី​ការ​អភិវឌ្ឍ​រួម​លើ​បណ្ដាញ​ផ្លូវដែក​កម្រិត​ស្ដង់ដារ​មាន​ប្រវែង​១ ៤៣៥​គីឡូម៉ែត្រ​ដែល​តភ្ជាប់​ភូមិ​ជាប់​ព្រំប្រទល់​នៅ​ខេត្ត Kanchanaburi ប្រទេស​ថៃ​ជាមួយ​កម្ពុជា​។

កាលពី​ថ្ងៃ​អង្គារ​លោក​ឧបនាយករដ្ឋមន្ដ្រី Pridiyathorn Devakula បន្ទាប់ពី​ជំនួប​ជាមួយ​លោក Hiroto Izumi ទីប្រឹក្សា​ពិសេស​របស់​លោក​នាយករដ្ឋមន្ដ្រី ស៊ីនហ្សូ អាបេ បាន​ថ្លែង​ថា ទីក្រុង​តូក្យូ​មាន​បំណង​វិនិយោគ​ផ្លូវដែក​ក្នុង​ការ​តភ្ជាប់​គម្រោង Dawei នៅក្នុង​ប្រទេស​មីយ៉ាន់ម៉ា​មក​កម្ពុជា​កាត់​តាម​ក្រុង​ជាប់​ព្រំដែន Ban Phu Nam Ron នៅ​ខេត្ត Kanchanaburi ទីក្រុង​បាងកក ខេត្ត Chachoengsao និង​ស្រុក Aranyaprathet របស់​ខេត្ត​ស្រះកែវ​ប្រទេស​ថៃ​។

ផ្លូវ​នេះ​តភ្ជាប់​រវាង​ភាគ​ខាង​កើត និង​ភាគ​ខាង​លិច​ប្រទេស​ថៃ​ផ្សេង​ទៀត។

គណៈកម្មាធិការ​ការងារ​របស់​ថៃ និង​ជប៉ុន​នឹង​ត្រូវ​បាន​បង្កើត​ឡើង​ពេល​ក្រោយ​ដើម្បី​សិក្សា​ព័ត៌មាន​លម្អិត​ដូចជា ផ្លូវ ទំហំ និង​ប្រភេទ​នៃ​ការ​វិនិយោគ​។

នាយករដ្ឋមន្ដ្រី ប្រាយុធ ចានអូចា បាន​កំណត់​ពេល​ដើម្បី​ចុះហត្ថលេខា​លើ​អនុស្សរណៈ​នៃ​ការ​យោគយល់​ស្ដីពី​គម្រោង​ផ្លូវដែក​ក្នុង​អំឡុង​ដំណើរ​ទស្សនកិច្ច​ទៅកាន់​ប្រទេស​ជប៉ុន​របស់​លោក​នៅ​ថ្ងៃ​ទី​៨-៩​ខែ​កុម្ភៈ​។

ផ្លូវដែក​ចេញ​ពី​ប្រទេស​ថៃ​ទៅកាន់​ប្រទេស​មីយ៉ាន់ម៉ា​កាត់​តាម​ខេត្ត Kanchanaburi ធ្លាប់​បាន​សាកល្បង​ធ្វើ​ពី​មុន​មក ប៉ុន្តែ​គម្រោង​នេះ​ត្រូវ​បាន​ផ្អាក​ពី​ខែ​សីហា ឆ្នាំ​១៩៤៥​។

បច្ចុប្បន្ន Phu Nam Ron ល្បីឈ្មោះ​ថា ជា​ក្រុង​ឆ្លងកាត់​ព្រំដែន​សម្រាប់​ភ្ញៀវទេសចរ និង​អ្នក​រត់​ទិដ្ឋាការ​ពី​ប្រទេស​ថៃ​ដែល​កំពុង​ស្វែងរក​ដំណើរ​កម្សាន្ត​ប្រទេស​មីយ៉ាន់ម៉ា​ក្នុង​រយៈពេល​ខ្លី​។

លោក Pridiyathorn បាន​ថ្លែង​ថា​៖ «​ផ្លូវ​នេះ​នឹង​រត់​ក្នុង​ល្បឿន​លឿន​ជាង​ផ្លូវ​ទីក្រុង Nong Khai-ទីក្រុង​បាងកក- ក្រុង Map Ta Phut ដែល​នឹង​រត់​ក្នុង​ល្បឿន​ពី​ ១៦០​ ដល់​ ១៨០ ​គីឡូម៉ែត្រ​ក្នុង​មួយ​ម៉ោង ដោយសារ​តែ​ប្រទេស​ជប៉ុន​ចង់​អភិវឌ្ឍ​រថភ្លើង​មាន​ល្បឿន​លឿន​ពិតប្រាកដ​ជាមួយ​នឹង​ល្បឿន​ជាង ​២០០​ គីឡូម៉ែត្រ​ក្នុង​មួយ​ម៉ោង​»​។

ថ្មីៗ​នេះ លោក Prajin Juntong រដ្ឋមន្ដ្រី​ក្រសួង​ដឹកជញ្ជូន​បាន​ថ្លែង​បន្ទាប់ពី​កិច្ចប្រជុំ​មួយ​ស្ដីពី​គម្រោង​អភិវឌ្ឍន៍​ផ្លូវដែក ​ចិន-ថៃ ដែល​មន្ដ្រី​ថៃ និង​មន្ដ្រី​ចិន​មាន​គំនិត​ដូចជា​ទាក់ទង​នឹង​ការ​សាងសង់​ផ្លូវដែក​ប្រវែង​៨៧៣​គីឡូម៉ែត្រ ទីក្រុង Nong Khai- ទីក្រុង​បាងកក- ក្រុង Map Ta Phut-ទីក្រុង​បាងកក- ស្រុក Kaeng Khoi។

លោក Pridiyathorn បាន​ថ្លែង​ថា ប្រទេស​ជប៉ុន​បាន​ស្នើឲ្យ​មាន​ការវិនិយោគ​នៅក្នុង​គម្រោង Dawei ដែល​ជា​ការ​អភិវឌ្ឍ​រួម​រង់ចាំ​រយៈពេល​ជាយូរ​មក​ហើយ​រវាង​ប្រទេស​ថៃ និង​ប្រទេស​មីយ៉ាន់ម៉ា​។

Dawei ជា​ទីក្រុង​របស់​ប្រទេស​ មីយ៉ាន់ម៉ា ​ដែល​មាន​ចម្ងាយ ​៣៥០ ​គីឡូម៉ែត្រ នៅ​ភាគ​ខាង​លិច​ទីក្រុង​បាងកក នឹង​ក្លាយ​ជា​តំបន់​វិនិយោគ​គម្រោង​ធំៗ​ជាច្រើន និង​តំបន់​សេដ្ឋកិច្ច​ពិសេស​ (SEZ) ៕

 

 

ក្រុមហ៊ុន​ចិន​ចង់​វិនិយោគ​ផ្លូវដែក​ថ្មី​ម្តង​ទៀត

ដោយ៖ ម៉ៃ គុណមករា, ភ្នំពេញប៉ុស្ដិ៍ុំ,  ថ្ងៃទី៣០ខែមករា ឆ្នាំ២០១៥

PP 006

ផ្លូវដែក​ម្ពុជា​ដែល​មាន​ស្រាប់ និង​ដែល​ត្រូវ​បាន​បោះបង់​ចោល​នា​ពេល​កន្លងមក​។ ផា លីណា

ភ្នំពេញៈ ក្រុមហ៊ុន​ដែល​បាន​ប្រកាស​សាងសង់​ផ្លូវដែក​មាន​តម្លៃ​ ៩,៦​ ពាន់​លាន​នៅ​កម្ពុជា​ កាលពី​ឆ្នាំ ​២០១៣ ​បាន​ត្រឡប់​មក​វិញ​ហើយ​នៅពេល​នេះ​ដោយ​បាន​ប្រកាស​ថា ពួកគេ «អាច» ​សម្លឹង​ទៅ​មើល​ការ​សាងសង់​គម្រោង​ផ្លូវដែក​ផ្សេង​ទៀត​ ប៉ុន្តែ​មិន​បាន​លើក​ឡើង​ពី​ការ​ចាប់ផ្ដើម​សាងសង់​ផ្លូវដែក ដែល​ខ្លួន​បាន​លើក​ឡើង​កាលពី​មុន​ឡើយ​។

កាលពី​ខែ​មករា ឆ្នាំ​២០១៣ ក្រុមហ៊ុន China Railway Group Limited បាន​ចុះហត្ថលេខា​លើ​អនុស្សរណៈ​នៃ​ការ​យោគយល់​គ្នា ​(MoU) ​ជាមួយ​ក្រុមហ៊ុន Cambodia Iron & Steel Mining Industry Group (​CISMIG)​ ដើម្បី​សាងសង់​ផ្លូវដែក​ថ្មី​មួយ​ខ្សែ​មាន​ស្ថានីយ​រង់ចាំ ​១១​ កន្លែង​ព្រមទាំង រោងចក្រ​ដែកថែប ​នៅក្នុង​ខេត្ត​ ព្រះវិហារ​ ដែល​ការវិនិយោគ​នេះ​មាន​តម្លៃ​ ៩,៦​ ពាន់​លាន​ដុល្លារ​អាមេរិក​។

យោងតាម​សេចក្ដី​ប្រកាស​ព័ត៌មាន​របស់​ក្រុមហ៊ុន​នៅពេល​នេះ​ផ្លូវដែក​នេះ​មាន​ប្រវែង​ ៤០៥​ គីឡូម៉ែត្រ​ចាប់ពី​តំបន់​រុករក​រ៉ែ​ខេត្ត​ព្រះ វិហារ ​កាត់​តាម​ខេត្ត​ភាគ​ខាង​ត្បូង​ដូចជា ខេត្ត​កំពង់​ធំ ខេត្ត​កំពង់ឆ្នាំង ខេត្ត​កំពង់ស្ពឺ​ហើយ​ចុងបញ្ចប់​ខេត្ត​កោះកុង​។ វា​នឹង​មិន​តភ្ជាប់​ជាមួយ​ខ្សែ​ផ្លូវដែក​ដែល​មាន​ស្រាប់​របស់​ក្រុមហ៊ុន Toll Royal Railways នោះ​ទេ​។

តាម​ផែនការ​នេះ ក្រុមហ៊ុន​ត្រូវ​ចាប់ផ្ដើម​ការ​សាងសង់​របស់​ខ្លួន​កាលពី​ឆ្នាំ​មុន ប៉ុន្តែ​លោក Li Changjin ប្រធាន​ក្រុមហ៊ុន China Railway បាន​ប្រាប់​កាសែត South China Morning Post កាលពី​ខែ​មេសា ថា ការងារ​លើ​ខ្សែ​ផ្លូវដែក​មាន​ប្រវែង​៤០០​គីឡូម៉ែត្រ​នេះ​ត្រូវ​បាន​ពន្យារពេល​ដោយសារ​តែ​បញ្ហា​ការ​ផ្ដល់​មូលនិធិ​។

យោងតាម​សេចក្ដី​ប្រកាស​ព័ត៌មាន​បាន​ពី​ក្រសួង​ពាណិជ្ជកម្ម លោក Lu Bo ប្រធាន​របស់​ក្រុមហ៊ុន China Railway International Group ជួប​ជាមួយ​លោក ស៊ុន ចាន់ថុល រដ្ឋមន្ដ្រី​ក្រសួង​ពាណិជ្ជកម្ម​កាលពី​ថ្ងៃ​ពុធ​ដើម្បី​ស្នើសុំ​ឲ្យ​រដ្ឋាភិបាល​ជួយ​គាំទ្រ និង​ស្វែងរក​ការសិក្សា​រក​លទ្ធភាព​ដើម្បី​សាងសង់​ផ្លូវដែក​នេះ​នៅ​ក្នុង​ប្រទេស​កម្ពុជា​ដោយ​ឈរ​លើ​គោលការណ៍ សាងសង់ ប្រតិបត្តិ ផ្ទេរ (B.O.T)​។ ប៉ុន្តែ​មិន​មាន​គម្រោង​ជាក់លាក់​ត្រូវ​បាន​លើក​ឡើង​នៅក្នុង​សេចក្ដី​ប្រកាស​ព័ត៌មាន​នេះ​ទេ​។

លោក ស៊ុន ចាន់ថុល បាន​ជំរុញ​ឲ្យ​ក្រុមហ៊ុន​នេះ​ដាក់​សំណើ​ទាក់ទង​នឹង​ផែនការ​គម្រោង​សាងសង់​នេះ​ឲ្យ​ក្រសួង​សាធារណការ និង​ដឹកជញ្ជូន និង ក្រុមប្រឹក្សា​អភិវឌ្ឍន៍​កម្ពុជា​ដើម្បី​សុំ​ការ​ពិនិត្យ​សម្រេច​។ លោក កែន រដ្ឋា អ្នក​នាំពាក្យ​មិន​អាច​ទាក់ទង​សុំ​ធ្វើ​អត្ថាធិប្បាយ​បាន​ទេ​កាលពី​ថ្ងៃ​ព្រហស្បតិ៍​។

លោក លី បូរិន ប្រធាន​ផ្លូវដែក​របស់​ក្រសួង​សាធារណការ និង​ដឹកជញ្ជូន​ថ្លែង​ថា​លោក​មិន​បាន​ជួប​ជាមួយ​ក្រុមហ៊ុន​នេះ​ទេ​។ លោក​បន្ត​ថា​៖ «ខ្ញុំ​ធ្លាប់​បាន​ចូលរួម​ប្រជុំ​ជាមួយ​ពួកគេ​ពី​មុន ប៉ុន្តែ​នៅពេល​នេះ​ខ្ញុំ​មិន​មាន​ព័ត៌មាន​ថ្មី​អំពី​ក្រុមហ៊ុន​នេះ​ទេ ហើយ​បន្ទាប់មក​ក្រុមហ៊ុន​នេះ​ស្ងប់ស្ងាត់​រហូត​។ តាម​ដែល​ខ្ញុំ​ដឹង​ថា ក្រុមហ៊ុន​នេះ​មិន​មាន​ប្រាក់​គ្រប់គ្រាន់​»។

លោក Zhang Chuan Li ប្រធាន CISMIG បាន​ប្រាប់​អ្នក​យក​សារព័ត៌មាន​នៅក្នុង​ពិធី​ចុះហត្ថលេខា​លើ MoU ថា ក្រុមហ៊ុន​បាន​ទទួល​ដីសម្បទាន​ពី​រដ្ឋាភិបា​ល ១ ៣០០​គីឡូម៉ែត្រការ៉េ ហើយ​១០​គីឡូម៉ែត្រ​ការ៉េ​នឹង​ត្រូវ​សាងសង់​រោងចក្រ​នៅ​ខេត្ត​ព្រះវិហារ​។

លោក Ngou Tieng Lung តំណាង​ក្រុមហ៊ុន​ចិន Union Development គ្រប់គ្រង​ដីសម្បទាន ៤៥ ០០០​ហិកតា នៅ​ខេត្ត​កោះកុង​ប្រាប់​ភ្នំពេញ​ប៉ុស្ដិ៍​កាលពី​ខែ​មេសា​ថា ក្រុមហ៊ុន​នេះ​នឹង​ពិបាក​ក្នុង​ការ​សាងសង់​ផ្លូវដែក​ឲ្យ​ផុត​ពី​ការ​ឆ្លងកាត់​ដី​របស់​ខ្លួន​ដែល​មាន​ទីលាន​វាយ​កូនគោល និង​រមណីយដ្ឋាន​ប្រណីត​៕

 

ក្រុមហ៊ុន​​​រដ្ឋ​​​ធំ​បំផុត​លំដាប់​​ទី​ប្រាំ​មួយ​​របស់​​ចិន​ គ្រោង​សាង​សង់​ផ្លូវ​ដែក​នៅ​ប្រទេស​កម្ពុជា​

ប្រភព៖ BNEWS, អត្ថបទ ៖ ចាន់ សុខ​ នាង​, ផ្សាយ ថ្ងៃទី29  ខែJanuary  ឆ្នាំ2015  ម៉ោង​ 10:16 នាទី

ក្រុម​ហ៊ុន​ផ្លូវ​ដែក​ចិន​អន្តរជាតិ​ China Railway International Group ​​មាន​គម្រោង​សាង​សង់​ផ្លូវ​ដែក​នៅ​កម្ពុជា​ដោយ​ឈរ​លើ​គោលការណ៍​កសាង​ប្រតិបត្តិ​ផ្ទេរ ​(Build Operate Transfer)។

railwayប្រធាន​ក្រុម​ហ៊ុន​ផ្លូវដែក​ចិន​អន្តរជាតិ​ China Railway International Group​​ លោក លូ​ បូ (​Lu Bo)​​ លើក​ឡើង​ក្នុង​ជំនួប​ពិភាក្សា​ការងារ​ជា​មួយ​រដ្ឋ​​មន្ត្រី​ក្រសួង​ ពាណិជ្ជកម្ម​កាល​ពី​ម្សិល​មិញ​នេះ​ថា ​ក្រុមហ៊ុន​របស់​លោក​ មាន​បំណង​ស្វែង​រក​លទ្ធភាព​សាងសង់​ផ្លូវដែក​នៅ​កម្ពុជា​ ដោយ​ឈរ​លើ​គោលការណ៍​កសាង​ ប្រតិបត្តិ​ផ្ទេរ​(Build Operate Transfer)។​

ឆ្លើយ​តប​ទៅ​នឹង​ការ​លើក​ឡើង​នេះ ​​​រដ្ឋ​មន្ត្រី​ក្រសួង​ពាណិជ្ជកម្ម ​លោក ស៊ុន​ ចាន់​ថុល​ គាំទ្រ​ចំពោះ​ការ​វិនិយោគ​របស់​ចិន​​មក​លើ​គម្រោង​ហេដ្ឋារចនាសម្ព័ន្ធ​នៅ​ កម្ពុជា​​ដោយ​ឈរ​លើ​គោលការណ៍​​កសាង​ប្រតិបត្តិ​ផ្ទេរ​​(BOT)​នេះ ហើយ​​លោក​ក៏​បាន​ជំរុញ​ឲ្យ​ក្រុមហ៊ុន​ដាក់​សំណើ​គម្រោង​ទាក់ទង​នឹង​ផែន​ការ​ សាងសង់​ផ្លូវដែក​នេះ​ ទៅ​ក្រសួង​សាធារណៈ​ការ​ និង​ដឹកជញ្ជូន​ និង​ក្រុមប្រឹក្សាអភិវឌ្ឍន៍​កម្ពុជា​ដើម្បី​សុំ​ការ​ពិនិត្យ​សម្រេច​។

តាម​ការ​បញ្ជាក់​របស់​ លោក​​លូ បូ (Lu Bo)​ ក្រុមហ៊ុន​ផ្លូវ​ដែក​ចិន​អន្តរជាតិ​ China Railway International គឺ​ជា​សហគ្រាស​រដ្ឋ​ ដ៏​ធំ​បំផុត​ទី​ប្រាំ​មួយ​ នៅ​ប្រទេស​ចិន​ មាន​បទពិសោធន៍​យ៉ាង​ច្រើន​លើ​ការ​សាងសង់​ផ្លូវដែក នៅ​ក្នុង​ប្រទេស​ចិន​ និង​នៅ​ក្នុង​ពិភពលោក​ និង​មាន​ចំណែក​ទីផ្សារ​ភាគច្រើន​ លើ​វិស័យ​សាងសង់​ផ្លូវដែក​ ។

គួររំលឹក​ថា​ នាពេល​ថ្មី​​ៗ​នេះ​ ​​​​ប្រទេស​ថៃ​ និង​ជប៉ុន​បាន​ព្រមព្រៀង​គ្នា​ជា​គោលការណ៍​​​លើ​គម្រោង​អភិវឌ្ឍន៍​រួម​គ្នា​ ​​នៃ​ការ​ស្ថាបនា​ផ្លូវ​រថភ្លើង​ស្តង់ដារ​​ទំហំ​ ១,៤៣៥ ​ម៉ែត្រ​​ដែល​ភ្ជាប់​ពី​​ខេត្ត​​​​កាន់ចាណាបុរី​ (Kanchanaburi) ​ព្រំដែន​ប្រទេស​មីយ៉ាន់ម៉ា​ ​មក​ប្រទេស​​កម្ពុជាផង​​​ដែរ៕​

ពលរដ្ឋ​រង​ផល​​ប៉ះពាល់​ពី​​ការ​ពង្រីក​ផ្លូវ​រទេះភ្លើង​ប្រមូល​ផ្ដុំ​នៅ​អេ.ឌី.ប៊ី

ដោយ វោហារ ជាតិ, វិទ្យុអាស៊ីសេរី, ថ្ងៃទី២៦ ខែសីហា ឆ្នាំ២០១៤

ផ្លូវ​ដែក ៣០៥

០៥-កក្កដា-២០១១៖ លំនៅឋាន​ប្រជាពលរដ្ឋ​នៅ​សហគមន៍​ក្បែរ​ផ្លូវ​រថភ្លើង ក្នុង​ខណ្ឌ​ឫស្សីកែវ រាជធានី​ភ្នំពេញ។

តំណាង​ពលរដ្ឋ​រង​ផល​ប៉ះពាល់​ការ​ពង្រីក​ផ្លូវ​រទេះភ្លើង​នៅ​ភ្នំពេញ ប្រមាណ ៣០​នាក់ ប្រមូល​ផ្ដុំ​គ្នា​នៅ​ក្បែរ​ធនាគារ​អភិវឌ្ឍន៍​អាស៊ី អេ.ឌី.ប៊ី (ADB) នៅ​ព្រឹក​ថ្ងៃ​ទី​២៦ សីហា ទាមទារ​ឲ្យ​មន្ត្រី អេ.ឌី.ប៊ី បញ្ចេញ​ឯកសារ​ស្ដីពី​ការ​ពង្រីក​ផ្លូវ​រទេះភ្លើង​ជំហាន​ទី​២ និង​ទី៣ ឲ្យ​ពួក​គាត់​បាន​ដឹង​មុន។

តំណាង​ពលរដ្ឋ​រង​ផល​ប៉ះពាល់​ការ​ពង្រីក​ផ្លូវ​រទេះភ្លើង​ម្នាក់​ គឺ​លោកស្រី នី សន្ដោស អះអាង​ថា ពួកគាត់​លើក​គ្នា​មក​នេះ គឺ​ដើម្បី​ជូន​ដំណឹង​ឲ្យ​មន្ត្រី អេ.ឌី.ប៊ី រៀបចំ​ឯក​សារ​ទាក់ទង​ការអភិវឌ្ឍ​ពង្រីក​ផ្លូវ​រទេះភ្លើង​ថា តើ​មាន​ទំហំ​ប៉ះពាល់​យ៉ាង​ណា​ក្នុង​ដំណាក់​កាល​ទី​២ និង​ទី​៣ ដើម្បី​កុំឲ្យ​ពួកគាត់​ព្រួយ​បារម្ភ​តទៅ​ទៀត ហើយ​ពួកគាត់​នឹង​វិល​មក​ទទួល​ឯកសារ​ទាំង​នោះ​នៅ​ថ្ងៃ​ទី​១ កញ្ញា ឆ្នាំ​២០១៤។

សូម​រង់ចាំ​អាន​និង​ស្ដាប់​ព័ត៌មាន​នេះ​ពិស្ដារ…