អ្នក​បឹងកក់​តវ៉ា​នៅ​មុខ​ធនាគារ​ពិភពលោក​និង​ទូត​អាមេរិក​ទាមទារ​ដំណោះស្រាយ​ដីធ្លី

ប្រភព៖ វិទ្យុអាស៊ីសេរី ថ្ងៃទី ១៥ ខែ​ កុម្ភៈ ឆ្នាំ២០១៦ ដោយ ទ្បេង ម់ាលី

ec831431-60ee-463f-b7d9-20fdf27c6009

អ្នក​បឹងកក់ ស្រែក​តវ៉ា គោះ​ចាន​ឆ្នាំង អង្រួន​ទ្វារ​របង និង​គប់​ពង​មាន់​ដាក់​ស្លាក​ឈ្មោះ​របស់​ធនាគារ​ពិភពលោក (World Bank) ទាមទារ​ដំណោះស្រាយ​ដីធ្លី នៅ​ព្រឹក​ថ្ងៃ​ទី​១៥ ខែ​កុម្ភៈ ឆ្នាំ​២០១៦។ RFA/Leng Maly

ស្ត្រី​អ្នក​បឹងកក់ ប្រមាណ ៣០​នាក់ តវ៉ា​នៅ​មុខ​ស្ថានទូត​សហរដ្ឋ​អាមេរិក និង​ស្ថាប័ន​ធនាគារ​ពិភពលោក (World Bank) ជា​ថ្មី​នៅ​ព្រឹក​ថ្ងៃ​ទី​១៥ ខែ​កុម្ភៈ ឆ្នាំ​២០១៦ ដើម្បី​ទាមទារ​ឲ្យ​មាន​ដំណោះស្រាយ​បន្ថែម​ទៀត ចំពោះ​បញ្ហា​ជម្លោះ​ដីធ្លី​រ៉ាំរ៉ៃ​របស់​ពួក​គាត់​នៅ​តំបន់​បឹងកក់ រាជធានី​ភ្នំពេញ។

អតីត​អ្នក​បឹងកក់ លោកស្រី ស៊ា ណារ៉េត មាន​ប្រសាសន៍​ថា ការ​ដែល​ពួក​លោកស្រី​នាំ​គ្នា​មក​តវ៉ា​នៅ​មុខ​ស្ថាប័ន​ទាំង​ពីរ ព្រោះ​ស្ថាប័ន​ទាំង​ពីរ​នេះ​ជា​អ្នក​ផ្ដល់​លុយ​ជំនួយ​ដល់​រដ្ឋាភិបាល ដើម្បី​អភិវឌ្ឍ​នៅ​ទី​នោះ៖ «ព្រោះ​ធនាគារ​ពិភពលោក ជា​អ្នក​ផ្ដល់​ប្រាក់​កម្ចី​ទៅ​ឲ្យ​រដ្ឋាភិបាល​យ៉ាង​ច្រើនម៉្លោះ​ហើយ​ខ្ញុំ​ត្រូវ​តែ​មក​ធ្វើ​ឲ្យ​គាត់​ធ្វើ​កិច្ច​អន្តរាគមន៍​ទៅ​រដ្ឋាភិបាល ឲ្យ​ដោះស្រាយ​នៅ​តំបន់​បឹងកក់​នេះ។ ខ្ញុំ​នៅ​តែ​បន្ត​រហូត​ទាល់​តែ​មាន​ដំណោះស្រាយ មិន​ឈប់​ទេ ព្រោះ​គាត់​រើសអើង​ប្រជាពលរដ្ឋ​ខ្មែរ​ណាស់ មក​នៅ​ប្រទេស​កម្ពុជា មិន​ចេញ​ជួប​ប្រជាពលរដ្ឋ​កម្ពុជា ទេ។ គាត់​សម្ងំ​សុខ ហើយ​ប្រជាពលរដ្ឋ​យើង​ខ្ញុំ​ឈឺ​ចាប់​យ៉ាង​ខ្លាំង។ យើង​ធ្វើ​អី​ក៏​ហ៊ាន​ធ្វើ​ដែរ មិន​ខ្លាច​ជាប់​គុក​ជាប់​ច្រវាក់​ឡើយ»

ការ​តវ៉ា​របស់​អតីត​អ្នក​បឹងកក់ នៅ​ស្ថាប័ន​ទាំង​ពីរ​នេះ មិន​ទទួល​បាន​ការ​ឆ្លើយ​តប​ណា​មួយ​ទេ ព្រោះ​ថ្ងៃ​ទី​១៥ កុម្ភៈ ជា​ថ្ងៃ​ឈប់​សម្រាក​របស់​មន្ត្រី​បម្រើ​ការងារ​នៅ​ក្នុង​ស្ថាប័ន​ទាំង​ពីរ​នេះ។

អ្នក​បឹងកក់ ស្រែក​តវ៉ា គោះ​ចាន​ឆ្នាំង អង្រួន​ទ្វារ​របង និង​គប់​ពង​មាន់​ដាក់​ស្លាក​ឈ្មោះ​របស់​ធនាគារ​ពិភពលោក។ កង​សន្តិសុខ​សាលា​រាជធានី​ភ្នំពេញ ដាក់​កម្លាំង​តាម​ឃ្លាំ​មើល​ការ​តវ៉ា​នេះ​រហូត​ដល់​ចប់ ប៉ុន្តែ​មិន​មាន​ការ​ប៉ះ​ទង្គិច​គ្នា​ទេ៕

Advertisements

Railroad protesters lobby ADB

By Khouth Sophak Chakrya and Kevin Ponniah, The Phnom Penh Post, 02 September 2014

About 50 villagers who live near railway lines in Phnom Penh gathered outside the Asian Development Bank yesterday morning to again demand more detailed information about what will happen to them during forthcoming phases of a bank-funded railway rehabilitation project.

Long Chandy, who represents the Tuol Sangke (B) community in Russey Keo district, said families feared further project phases will require them to vacate their homes.

Phase one of the project will affect villagers within 3.5 metres of the tracks.

Chandy said villagers had seen documents saying families living within 20 metres of the lines would be affected in further phases.

But ADB country representative Eric Sidgwick said the project “only requires a corridor of impact (3.5 meters from the center line in Phnom Penh). The issues raised … were outside the scope of the Project.… We agreed to bring their questions to the Government.”

​ធនាគារ​អភិវឌ្ឍន៍អាស៊ី សន្យា​ឲ្យមាន​ជំនួប​ត្រីភាគី​ជា​មួយ​ភាគី​ពាក់ព័ន្ធ​ និង​សហគមន៍​រងគ្រោះ​ផ្លូវ​រថភ្លើង​​

ដោយ ឡាយ​ សាមាន, VOD សំឡេងប្រជាធិបតេយ្យ, ថ្ងៃទី១ ខែកញ្ញា ឆ្នាំ២០១៤

ប្រជាពលរដ្ឋតវ៉ានៅព្រឹកថ្ងៃទី០១ខែកញ្ញា ឆ្នាំ២០១៤នេះ

ធនាគារ​អភិវឌ្ឍន៍អាស៊ី​(ADB) នៅ​ថ្ងៃ​ចន្ទ​នេះ សន្យា​ជាមួយ​ប្រជាពលរដ្ឋ​នៅ​សហគមន៍​ផ្លូវ​រថភ្លើង​ថា និង​ធ្វើ​ជា​អ្នកសម្របសម្រួល​ឲ្យមាន​ត្រីភាគី​ជាមួយ​ភាគី​ពាក់ព័ន្ធ ដើម្បី​ដោះស្រាយ​ជម្លោះ​ដីធ្លី​នៅ​សហគមន៍​នេះ​ឲ្យបាន​ឆាប់​។​

​ការសន្យា​នេះ​បន្ទាប់​ពី​ប្រធាន​ធនាគា​អភិវឌ្ឍន៍អាស៊ី អនុញ្ញាត​ឲ្យ​តំណាង​ប្រជាពលរដ្ឋ ៤​នាក់ ចូល​ជួប​ដើម្បី​ពិភាក្សា​រក​ដំណោះស្រាយ ខណៈ​ដែល​ប្រជាពលរដ្ឋ​នៅ​សហគមន៍​ផ្លូវ​រថភ្លើង​ជិត​២០០​នាក់ ប្រមូលផ្ដុំ​នៅ​មុខ​ធនាគារ​អភិវឌ្ឍន៍អាស៊ី (ADB) ដោយ​មាន​លើក​បដា និង​ប្រើ​ឧបករណ៍​បំពង​សំឡេង ទាមទារ​ឲ្យ​ធនាគារ​នេះ​ផ្ដល់​នូវ​ព័ត៌មាន​ច្បាស់លាស់​ពី​គម្រោង​នៃការអភិវឌ្ឍ​ផ្លូវ​រថភ្លើង ដោយសារ​ប្រជាពលរដ្ឋ​កំពុង​ព្រួយបារម្ភ​ពី​ការបណ្ដេញចេញ​ដោយ​បង្ខំ ព្រោះ​តែ​ព័ត៌មាន​ដែល​ពួកគាត់​ទទួលបាន​មិន​ដូចគ្នា។​

តំណាង​ប្រជាពលរដ្ឋ លោក ឡុង ចាន់​ឌី មានប្រសាសន៍ ក្រោយ​ចូលជួប​ពិភាក្សា​ថា ខាង​ប្រធាន​ធនាគារ នៅតែ​ផ្តល់​ចម្លើយ​ដដែល​ថា​គម្រោង​អភិវឌ្ឍន៍​របស់​ខ្លួន​ត្រូវការ​តែ ៣, ៥ ម៉ែត្រ​កន្លះ​ពី​គម្លាត​ផ្លូវ​ប៉ុណ្ណោះ​។ តែ​ទោះជា​យ៉ាងណា​លោក​បញ្ជាក់ ភាគី​ធនាគារ សន្យា​នឹង​ធ្វើ​ជា​អ្នកសម្របសម្រួល​ឲ្យមាន​ត្រីភាគី​ជា​មួយ​អ្នកពាក់​ព័ន្ធ​គឺ​ខាង​រដ្ឋាភិបាល ក្រុមហ៊ុន​ថូ​ល Tolll និង​ប្រជាពលរដ្ឋ​។ លោកបញ្ជាក់ថា តំណាង​ប្រជាពលរដ្ឋ នឹង​បើក​កិច្ចប្រជុំ​មួយ​ដើម្បី​ធ្វើ​ជា​លិខិត​លាយ​លក្ខ​អក្សរ​ដាក់​ទៅ​ធនាគារ ADB ជាថ្មីទៀត​ឲ្យធ្វើជា​អ្នកសម្របសម្រួល​នៅ​ពេល​ឆាប់ៗ​ខាងមុខនេះ​។

​តំណាង​ប្រជាពលរដ្ឋ​ម្នាក់​ទៀត​អ្នកស្រី នី សន្តោស មានប្រសាសន៍ថា ប្រសិនបើ​មិន​មានព័ត៌​មានជាក់លាក់​ពីការអភិវឌ្ឍ​នេះ​ទេ នឹង​ធ្វើឲ្យ​ប្រជាពលរដ្ឋ​រស់នៅ​ដោយ​មាន​ភាពភ័យខ្លាច ដោយ​ការបណ្តេញចេញ​បង្ខំ​។ អ្នកស្រីបញ្ជាក់ថា ពួកគាត់​នឹង​មក​ធនាគារ ADB ម្តង​ទៀត​ប្រសិនបើ​មិនទាន់​មាន​ដំណោះស្រាយ​។​

​ពលរដ្ឋ​ដែល​ឈរ​តវ៉ា​នៅ​ខាងក្រៅ​អ្នកស្រី មាស ស្រីមុំ មានប្រសាសន៍ថា គាត់​មាន​ការភ័យខ្លាច​ពី​ការអភិវឌ្ឍ​នេះ​ដោយ​បាន​ទទួលដំណឹង​ផ្សេងៗ​គ្នា​គឺ​ពី​ការ​ក្រុមហ៊ុន​ថូ​ល Toll ត្រូវការ ១០​ម៉ែត្រ រដ្ឋាភិបាល ២០​ម៉ែត្រ ចំណែក ធនាគារ ADB ត្រូវការ ៣,៥ មែត្រ​កន្លះ ដែល​ករណី​នេះ​ជា​បញ្ហា​កង្វល់​របស់​ពលរដ្ឋ​។ អ្នកស្រីបន្តថា រដ្ឋាភិបាល និង​ធនាគារ ADB ត្រូវ​សហការ​គ្នា​ត្រូវ​ផ្តល់​ភាពយុត្តិធម៌​ដល់​ប្រជាពលរដ្ឋ​ពី​ការអភិវឌ្ឍ​នេះ​។

​តាម​សេចក្តីរាយការណ៍​នានា ឲ្យដឹងថា ធនាគារ​អភិវឌ្ឍន៍អាស៊ី​នៅ​កម្ពុជា ADB ផ្តល់​កម្ចី លើគម្រោង​វិនិយោគ​ជួសជុល​ផ្លូវ​ដែក​នៅ​កម្ពុជា​ចំនួន​២​ខ្សែ គឺពី​ផ្នែក​ខាងត្បូង​ភ្នំពេញ ទៅកំពុងផែ​ក្រុងព្រះសីហនុ មាន​ប្រវែង២៥៦​គីឡូម៉ែត្រ និង​ពី​ផ្នែក​ខាងជើង​ភ្នំពេញ ទៅ​ព្រំដែន​ថៃ​ក្រុង​ប៉ោយ​ប៉ែត ចម្ងាយ៣៨៣​គីឡូម៉ែត្រ តាំងពី​ឆ្នាំ​២០០៧​។ របាយការណ៍ ADB ឆ្នាំ​២០១២ បានឲ្យដឹងថា គម្រោង​នេះ នឹង​ប៉ះពាល់​ដល់​ប្រជាពលរដ្ឋ ចំនួន​៤០០០​គ្រួសារ​នៅ​ទូ​ទាំង​ប​ប្រទេស ក្នុងនោះ​១០៥០​គ្រួសារ​ត្រូវ​ផ្លាស់ប្តូរ​ទីលំនៅ​៕

ពលរដ្ឋ​រង​ផល​​ប៉ះពាល់​ពី​​ការ​ពង្រីក​ផ្លូវ​រទេះភ្លើង​ប្រមូល​ផ្ដុំ​នៅ​អេ.ឌី.ប៊ី

ដោយ ដែន អយុធ្យា, វិទ្យុអាស៊ីសេរី,​ ថ្ងៃទី២៧ ខែសីហា ឆ្នាំ២០១៤

ជម្លោះ​ដី សហគមន៍​ផ្លូវ​រទេះ​ភ្លើង ៧៥

ពលរដ្ឋ​តំណាង​សហគមន៍​ផ្លូវ​រថភ្លើង ក្នុង​រាជធានី​ភ្នំពេញ ដែល​ឡើង​មក​តវ៉ា ផ្ដល់​បទសម្ភាសន៍​នៅ​មុខ​ការិយាល័យ​ធនាគារ​អភិវឌ្ឍន៍​អាស៊ី (ADB) កាល​ពី​ព្រឹក​ថ្ងៃ​ទី​២៦ សីហា ឆ្នាំ​២០១៤។

ប្រជាពលរដ្ឋ​រស់នៅ​តាម​បណ្តោយ​ផ្លូវ​ដែក​ចំនួន ៧​សហគមន៍ ក្នុង​រាជធានី​ភ្នំពេញ បាន​ប្រមូល​ផ្តុំ​គ្នា​នៅ​ពីមុខ​ការិយាល័យ​របស់​ធនាគារ​អភិវឌ្ឍន៍​អាស៊ី ឬ​ហៅ​កាត់ អេ.ឌី.ប៊ី (ADB) នៅ​ថ្ងៃ​ទី​២៦ សីហា បង្ហាញ​កង្វល់​បាត់បង់​លំនៅឋាន​ដោយសារ​គម្រោង​ស្ថាបនា​ផ្លូវ​ដែក​នៅ​កម្ពុជា។

បញ្ហា​នេះ​នាយក​ធនាគារ អេ.ឌី.ប៊ី បញ្ជាក់​ថា ផល​ប៉ះពាល់​ទាំង​អស់​ក្រោម​គម្រោង​នេះ ត្រូវ​អនុវត្ត​ដោយ​គណៈកម្មការ​ដោះស្រាយ​ផល​ប៉ះពាល់​អន្តរក្រសួង​របស់​រាជរដ្ឋាភិបាល​កម្ពុជា។

តំណាង​សហគមន៍​ភូមិ ២៣ ស្ថិត​ក្នុង​សង្កាត់​បឹងកក់២ ខណ្ឌ​ទួលគោក អ្នកស្រី នី សន្តោស ឲ្យ​ដឹង​ថា តាំង​ពី​រដ្ឋាភិបាល​មាន​គម្រោង​ស្តារ​និង​អភិវឌ្ឍន៍​ផ្លូវ​ដែក​នេះ​មក ពួកគាត់​មិន​បាន​ដឹង​ព័ត៌មាន​លំអិត​ទេ ដូច្នេះ​ប្រជា​សហគមន៍​ស្នើ​សុំ​ឲ្យ​ធនាគារ អេ.ឌី.ប៊ី ជួយ​ផ្ដល់​ព័ត៌មាន​លំអិត​ទាក់ទង​គម្រោង​អភិវឌ្ឍន៍​ផ្លូវដែក​ជូន​ដល់​ពលរដ្ឋ​ឲ្យ​ច្បាស់លាស់​មុន​នឹង​អនុវត្តន៍​គម្រោង​នេះ។

អ្នកស្រី​បន្ត​ថា សព្វ​ថ្ងៃ​នេះ​សហគមន៍​ចង់​ដឹង​ថា តើ​គម្រោង​ស្តារ​ផ្លូវ​ដែក​នេះ​ត្រូវការ​ដី​ស្រប​តាម​បណ្ដោយ​ផ្លូវ​រថភ្លើង​ចំនួន​ប៉ុន្មាន​ម៉ែត្រ​ដើម្បី​អភិវឌ្ឍន៍។ ជាង​នេះ តើ​ភាគី​ពាក់ព័ន្ធ​ណា​ខ្លះ​ជា​អ្នក​ទទួល​ខុស​ត្រូវ​ផ្ដល់​សំណង​ជូន​ពលរដ្ឋ​ដែល​រង​ផល​ប៉ះពាល់៖ «អ្វី​ដែល​ពួក​ខ្ញុំ​ព្រួយ​បារម្ភ​ជាង​គេ​នោះ គឺ​ខ្ញុំ​អត់​ចង់​ចាក​ចេញ​ពី​ទីលំនៅ​ចាស់​ទេ។ ដូច្នេះ​ខ្ញុំ​ក៏​បាន​ឃើញ​ក្រុមហ៊ុន​ថូល គេ​ធ្វើ​របង​ចេញ​ពី​អ័ក្ស​រៃ ឬ​ផ្លូវ​ដែក​ហ្នឹង​ចេញ​ទៅ ១០​ម៉ែត្រ។ ហេតុ​ដូច្នេះ​ហើយ​បាន​ជា​ពួក​ខ្ញុំ​នៅតែ​ឆ្ងល់​ថា ចុះ​គម្រោង​ហ្នឹង​មិន​មែន​ត្រឹមតែ ៣​ម៉ែត្រ​កន្លះ ដូច​ខាង​អន្តរក្រសួង​និយាយ​ហ្នឹង​ទេ? អ៊ីចឹង​អ្វី​ដែល​ពួក​ខ្ញុំ​ព្រួយ​បារម្ភ​នៅ​តែ​ព្រួយ​បារម្ភ​ថា តើ​នៅ​ថ្ងៃ​ណា​មួយ​នោះ​គេ​នឹង​បណ្ដេញ​ពួក​ខ្ញុំ​ចេញ​ពី​សហគមន៍»។

ចំណែក​អ្នកស្រី ឆាយ គឿន មក​ពី​សហគមន៍ ១០៤ និង ១០៥ នៅ​សង្កាត់​បឹងកក់២ ខណ្ឌ​ទួលគោក មាន​កង្វល់​ថា រហូត​មក​ទល់​ពេល​នេះ សហគមន៍​ផ្លូវ​រទេះភ្លើង​ក្នុង​រាជធានី​ភ្នំពេញ មិន​ទាន់​ទទួល​បាន​ព័ត៌មាន​ទាក់ទង​គម្រោង​អភិវឌ្ឍន៍​ផ្លូវ​ដែក ឬ​ការ​ផ្ដល់​សំណង​ជូន​ពលរដ្ឋ​ឲ្យ​បាន​ត្រឹមត្រូវ​ទេ។

អ្នកស្រី​បន្ត​ថា សព្វថ្ងៃ​នេះ សហគមន៍​ខ្លាច​គម្រោង​ស្ដារ​ផ្លូវដែក​នៅ​កម្ពុជា នាំ​ឲ្យ​ក​គាត់​បាត់បង់​លំនៅឋាន ឬ​រង​នូវ​ការ​បណ្ដេញ​ទាំង​បង្ខំ ដូច​រដ្ឋាភិបាល​ធ្លាប់​អនុវត្ត​កន្លង​មក៖ «ខ្ញុំ​ឮ​សូរ​រាជ​រដ្ឋាភិបាល​គាត់​និយាយ​ថា ការ​បណ្ដេញ​ចេញ​ហ្នឹង​គាត់​នឹង​ខំ​ឲ្យ​ស្ថាប័ន​របស់​គាត់​ដោះស្រាយ​ឲ្យ​បាន​ត្រឹមត្រូវ តែ​ខ្ញុំ​ដូចជា​មិន​សូវ​ទុកចិត្ត​ត្រង់​ហ្នឹង? អ៊ីចឹង​ហើយ​បាន​ជា​ខ្ញុំ​មក​ដល់​ធនាគារ​អភិវឌ្ឍន៍​អាស៊ី អេ.ឌី.ប៊ី ហ្នឹង ដែល​គាត់​ជា​អ្នក​ឧបត្ថម្ភ​គម្រោង​អភិវឌ្ឍន៍​ពិភពលោក​ហ្នឹង គាត់​ជួយ​ជំរុញ​ឲ្យ​រដ្ឋាភិបាល​ហ្នឹង កុំ​ឲ្យ​បណ្ដេញ​ប្រជាពលរដ្ឋ​ចេញពី​ទីក្រុង។ ឲ្យ​ប្រជាពលរដ្ឋ​បាន​រស់​នៅ​ទីក្រុង​ដូច​នៅ​ប្រទេស​នានា​ដែរ»។

ទាក់ទិន​បញ្ហា​នេះ លោក អៀង វុទ្ធី នាយក​អង្គការ​សមធម៌​កម្ពុជា ដែល​ឃ្លាំមើល​សកម្មភាព​គម្រោង​ស្ថាបនា​ផ្លូវ​រថភ្លើង​របស់​រដ្ឋាភិបាល​ឧបត្ថម្ភ​ថវិកា​ដោយ​ធនាគារ​អភិវឌ្ឍន៍​អាស៊ី។ លោក​ស្នើ​ដល់​ផ្នែក​ពាក់ព័ន្ធ​ត្រូវ​ពិចារណា​ដោះស្រាយ​សំណង ឬ​សំណូមពរ​ជូន​ពលរដ្ឋ​ឲ្យ​បាន​ត្រឹមត្រូវ មុន​នឹង​អនុវត្ត​គម្រោង​នេះ។

​លោក​បន្ត​ថា បើ​សិន​ផ្នែក​ពាក់ព័ន្ធ​មិន​បាន​ដំណោះស្រាយ​សំណង​ផល​ប៉ះពាល់​ជូន​ពលរដ្ឋ​ឲ្យ​ត្រឹមត្រូវ​ទេ អាច​នាំ​ឲ្យ​ប៉ះពាល់​ដល់​កេរ្តិ៍​ឈ្មោះ​របស់​ធនាគារ​អភិវឌ្ឍន៍​អាស៊ី​ធ្ងន់ធ្ងរ​នៅ​ថ្ងៃ​អនាគត។

គេហទំព័រ​ធនាគារ​អភិវឌ្ឍន៍​អាស៊ី បង្ហាញ​ថា គម្រោង​ស្ថាបនា​ផ្លូវ​រទេះភ្លើង ២​ខ្សែ ពី​ភ្នំពេញ ទៅ​ក្រុង​ព្រះសីហនុ និង​ពី​ភ្នំពេញ ទៅ​ខេត្ត​បន្ទាយមានជ័យ មាន​ចម្ងាយ​ជាង ៤០០​គីឡូម៉ែត្រ។

ការ​ស្ថាបនា​នេះ លោក អៀង វុទ្ធី ឲ្យ​ដឹង​ថា បាន​ប៉ះពាល់​ដល់​លំនៅឋាន​ប្រជាពលរដ្ឋ​ជាង ៤​ពាន់​គ្រួសារ ហើយ​កន្លង​មក​នេះ មាន​ពលរដ្ឋ​ជាង ១​ពាន់​គ្រួសារ បាន​ព្រម​ទទួល​យក​សំណង និង​ព្រម​ចាក​ចេញទៅ​រស់​នៅ​ទីតាំង​ថ្មី។

លោក​បន្ត​ថា គម្រោង​ស្ថាបនា​ផ្លូវ​រថភ្លើង និង​ផល​ប៉ះពាល់​លំនៅឋាន​ពលរដ្ឋ​មិន​ទាន់​ដោះស្រាយ​នេះ បាន​កើត​មាន​តាំងពី​ឆ្នាំ​២០១១ មក​ម្ល៉េះ។

បញ្ហា​នេះ លោក អៀរីក ស៊ីដវិច (Eric Sidgwick) នាយក​ធនាគារ​អភិវឌ្ឍន៍​អាស៊ី ប្រចាំ​កម្ពុជា កាល​ពី​ថ្ងៃ​ទី​១៣ ខែ​សីហា បាន​សរសេរ​លិខិត​ឆ្លើយតប​ទៅ​តំណាង​សហគមន៍​រង​ផល​ប៉ះពាល់​នៃ​គម្រោង​ស្ដារ​ផ្លូវ​ដែក​បង្ហាញ​ថា ធនាគារ អេ.ឌី.ប៊ី គឺ​ជា​ដៃគូ​ផល់​ហិរញ្ញប្បទាន​មួយ​សម្រាប់​គម្រោង​ស្ដារ​ឡើង​វិញ​ផ្លូវដែក​នៅ​កម្ពុជា។ លោក​បន្ត​ថា គម្រោង​នេះ​មាន​ក្រសួង​សាធារណការ និង​ដឹក​ជញ្ជូន​របស់​រដ្ឋាភិបាល​ជា​អ្នក​អនុវត្តន៍។

​ជាង​នេះ​រាល់​ការ​ដោះស្រាយ​ផល​ប៉ះពាល់​ទាំង​អស់​ក្រោម​គម្រោង​នេះ ត្រូវ​បាន​អនុវត្ត​ដោយ​គណៈកម្មការ​ដោះស្រាយ​ផល​ប៉ះពាល់​អន្តរ​ក្រសួង​របស់​រាជរដ្ឋាភិបាល​កម្ពុជា។

ធនាគារ​អភិវឌ្ឍន៍​អាស៊ី​បញ្ជាក់​ថា គម្រោង​អភិវឌ្ឍន៍​ផ្លូវ​រថភ្លើង​នេះ សម្រាប់​ខ្សែ​រថភ្លើង​នៅ​រាជធានី​ភ្នំពេញ គឺ​មាន​ទំហំ ៧​ម៉ែត្រ ៣​ម៉ែត្រ​កន្លះ​ម្ខាងៗ ពី​អ័ក្ស​នៃ​ផ្លូវ​រថភ្លើង។ សម្រាប់​ទំហំ​នៃ​ខ្សែ​រថភ្លើង​នៅ​ផ្នែក​ខាង​ជើង និង​ផ្នែក​ខាង​ត្បូង​គឺ​ទំហំ​នៃ​ផល​ប៉ះពាល់​មាន​ចាប់​ពី ៨ ទៅ ១០​ម៉ែត្រ នៅ​ទី​ជនបទ និង​៧​ម៉ែត្រ​នៅ​ក្នុង​ក្រុង​មាន​ដូចជា ក្រុង​ពោធិ៍សាត់ បាត់ដំបង ក្រុង​សិរីសោភ័ណ និង​ខេត្ត​ព្រះសីហនុ ជាដើម៕

ពលរដ្ឋ​សហគមន៍​ផ្លូវ​រថភ្លើង​តវ៉ា​មុខ​ការិយាល័យ ADB

ដោយ ឃុត សុភចរិយា, ភ្នំពេញប៉ុស្តិ៍, ថ្ងៃទី២៧ ខែសីហា ឆ្នាំ២០១៤

ប្រជា​ពលរដ្ឋ​មក​ពី​សហគមន៍​ផ្លូវ​ដែក ក្នុង​រាជធានី​ភ្នំពេញ​តវ៉ា​មុខ​ស្នាក់​ការ ADB។

ប្រជា​ពលរដ្ឋ​មក​ពី​សហគមន៍​ផ្លូវ​ដែក ក្នុង​រាជធានី​ភ្នំពេញ​តវ៉ា​មុខ​ស្នាក់​ការ ADB។ ផា លីណា

ភ្នំពេញៈ ប្រជា​ពលរដ្ឋ​ដែល​រស់​នៅ​តាម​បណ្ដោយ​ផ្លូវ​ដែក​ក្នុង​រាជធានី​ភ្នំពេញ ប្រមាណ​ជាង ៣០​នាក់ បាន​ប្រមូល​ផ្ដុំ​គ្នា​នៅ​មុខ​ការិយាល័យ​ធនាគារ​អភិវឌ្ឍន៍​អាស៊ី (ADB) នៅ​កម្ពុជា ដើម្បី​ទាម​ទារ​ឲ្យ​មាន​ការ​បញ្ជាក់​អំពី​វិសាលភាព​គម្រោង​ស្ដារ​និង​អភិវឌ្ឍ​ផ្លូវ​ដែក ពិសេស​ក្នុង​រាជធានី​ភ្នំពេញ។

តំណាង​ប្រជា​ពលរដ្ឋ​ដែល​រង​ផល​ប៉ះ​ពាល់​ពី​គម្រោង​នេះ អ្នក​ស្រី នី សណ្ដោស បាន​រៀប​រាប់​ថា កាល​ពី​ថ្ងៃ ទី១៣ ខែ​សីហា ឆ្នាំ​២០១៤ លោក Eric Sidgwick នាយក​ធនាគារ ADB ប្រចាំ​កម្ពុជា បាន​ឆ្លើយ​តប​ជា​លាយ​លក្ខណ៍​អក្សរ​អំពី​ដំណើរ​ការ​អនុវត្ត​គម្រោង​ស្ដារ​និង​អភិវឌ្ឍន៍​ផ្លូវ​ដែក ជំហាន ទី១ ដែល​មាន​ការ​ព្រម​ព្រៀង​ពី​ក្រសួង​សាធារណការ​និង​ដឹក​ជញ្ជូន ព្រម​ទាំង​មាន​ការ​គាំទ្រ​ពី​គណៈ​កម្មការ​អន្តរ​ក្រសួង តាំង​ពី​ប្រមុខ​រាជ​រដ្ឋាភិបាល​កម្ពុជា អនុម័ត​គម្រោង​នេះ​ក្នុង ឆ្នាំ​២០០៩។

លោក​ស្រី​បញ្ជាក់​ថា ក្នុង​លិខិត​ឆ្លើយ​តប​នោះ ដំណាក់​កាល​ជំហាន​ដំបូង​នៃ​គម្រោង​នេះ គឺ​តម្រូវ​ឲ្យ​ប្រជា​ពលរដ្ឋ​ដែល​មាន​ផ្ទះ​នៅ​លើ​និង​នៅ​អម​ផ្លូវ​ដែក​ទាំង​អស់​ធ្វើ​ការ​រុះរើ និង​ដក​ថយ​ចេញ​ពី​អ័ក្ស​ផ្លូវ​ដែក​ទាំង​សង​ខាង​ក្នុង​ចម្ងាយ ៣,៥ ម៉ែត្រ​ប៉ុណ្ណោះ ដើម្បី​សម្រួល​ដល់​ដំណើការ​រៀបចំ​ស្ដារ​និង​អភិវឌ្ឍន៍​ផ្លូវ​ដែក​ឡើង​វិញ ប៉ុន្តែ​មិន​បាន​បញ្ជាក់​អំពី​ជំហាន​បន្ទាប់ ដែល​នឹង​ត្រូវ​អនុវត្ត​បន្ត​នោះ​ទេ។

អ្នក​ស្រី​និយាយ​ថា៖ «ព័ត៌មាន​ដែល​គាត់​ផ្ដល់​ឲ្យ​យើង​ខ្ញុំ​នៅ​ពេល​នេះ​ជា​ព័ត៌មាន​ដដែលៗ ដែល​ពួក​យើង​បាន​ដឹង​រួច​មក​ហើយ​តាម​រយៈ​មន្ត្រី​គណៈ​កម្មការ​ចម្រុះ​អន្តរ​ក្រសួង​នា​ពេល​កន្លង​មក។ អ្វី​ដែល​ពួក​ខ្ញុំ​ចង់​ដឹង​គឺ ព័ត៌មាន​លម្អិត​ស្ដី​ពី​វិសាលភាព​នៃ​គម្រោង​ទាំង​មូល និង អំពី​ដំណាក់​កាល​នៃ​ការ​អនុវត្តន៍​គម្រោង​ក្នុង​ជំហាន​បន្ទាប់ ទី២ និង ទី៣ ព្រោះ​បច្ចុប្បន្ន​យើង​ខ្ញុំ​កំពុង​រង​ផល​ប៉ះ​ពាល់​ដោយ​ប្រយោល​ពី​គម្រោង​នេះ»។

លោក ឡុង ចាន់ឌី តំណាង​ប្រជា​សហគមន៍​ផ្លូវ​រថភ្លើង​បាន​សម្ដែង​ក្ដី​បារម្ភ​ចំពោះ​ការ​ជម្លៀស​ពួក​គាត់​ពី​លំនៅឋាន​នៅ​ពេល​ការ​អនុវត្ត​ជំហាន ទី២ ចូល​មក​ដល់។

លោក​បញ្ជាក់​ថា កាល​ពី​ថ្ងៃ ទី២០ ខែ​មិថុនា កន្លង​ទៅ ក្រុម​ហ៊ុន​ថូល ដែល​ទទួល​បាន​សិទ្ធិ​វិនិយោគ​លើ​គម្រោង​ស្ដារ​និង​អភិវឌ្ឍ​ផ្លូវ​ដែក​ពី​រដ្ឋាភិបាល​កម្ពុជា បាន​ចុះ​ផ្សាយ​សេចក្ដី​ជូន​ដំណឹង​ជា​សាធារណៈ ដោយ​បាន​តម្រូវ​ឲ្យ​ប្រជា​ពលរដ្ឋ​ដែល​រស់​នៅ​តាម​បណ្ដោយ​ផ្លូវ​ដែក​ពី​ភ្នំពេញ​ទៅ ក្រុង​ព្រះ​សីហនុ ត្រូវ​រុះរើ​ផ្ទះ​ចេញ​ពី​អ័ក្ស​ផ្លូវ​ដែក​សង​ខាង​ក្នុង​ចម្ងាយ ១០ ម៉ែត្រ​ដោយ​ពុំ​អនុញ្ញាត​ឲ្យ​មាន​ការ​ចង​ព្យួរ​អ្វី​ទាំង​អស់​រួម​ទាំង​សត្វ​ចិញ្ចឹម និង ក្មេង​លេង​នៅ​ក្នុង​បរិវេណ​ដែល​កំណត់។ ក្នុង​ករណី​មិន​គោរព​សេចក្ដី​ណែនាំ​នេះ ក្រុម​ហ៊ុន​នឹង​មិន​ទទួល​ខុស​ត្រូវ​ចំពោះ​គ្រោះ​ថ្នាក់ ដែល​អាច​កើត​មាន​ជាយថាហេតុ នោះ​ឡើយ។

លោក​បាន​ថ្លែង​ថា៖ «បើ​យ៉ាង​ដូច្នេះ​មែន​នោះ យើង​ខ្ញុំ​ដែល​មាន​ផ្ទះ​នៅ​តាម​បណ្ដោយ​ផ្លូវ​ដែក​មួយ​ខ្សែ​នេះ នឹង​ត្រូវ​គេ​ជម្លៀស​ចេញ​ទៅ​ទីតាំង​ថ្មី​ក្នុង​ពេល​ដ៏​ខ្លី​ខាង​មុខ​នេះ។ នេះ​ជា​ហេតុ​ផល​ដែល​យើង​ខ្ញុំ​ចង់​ដឹង​ព័ត៌មាន​លម្អិត​ពី​គម្រោង​នេះ ហើយ​ទាម​ទារ​ឲ្យ ADB ជួយ​អន្តរាគមន៍​សម្រប​សម្រួល​ទៅ​ភាគី​ក្រុម​ហ៊ុន ក៏​ដូច​ជា​គណៈកម្មការ​អន្តរ​ក្រសួង ដែល​តំណាង​ឲ្យ​ភាគី​រដ្ឋាភិបាល មេត្តា​ជួប​ប្រឹក្សា​យោបល់ និង​ផ្ដល់​ព័ត៌មាន​លម្អិត​ស្ដី​ពី​គម្រោង​ដល់​យើង​ខ្ញុំ​ឲ្យ​បាន​ច្បាស់ ដើម្បី​កុំ​ឲ្យ​យើង​ខ្ញុំ​គិត​បារម្ភ​និង​ភ័យ​ខ្លាច​បន្ត​ទៀត»។

ទោះ​ជា​បែប​ណា​ការ​ជួប​ប្រជុំ​ធ្វើ​សន្និសីទ​សារ​ព័ត៌មាន​រយៈ​ពេល​ខ្លី នៅ​មុខ​ការិយាល័យ ADB ប្រចាំ​កម្ពុជា ក្រោម​ការ​ឃ្លាំ​មើល​របស់​ក្រុម​សមត្ថកិច្ច​នគរបាល និង​សន្តិសុខ​សណ្ដាប់​ធ្នាប់ ខណ្ឌ​ដូនពេញ ប៉ុន្តែ មិន​មាន​ការ​ប៉ះ​ទង្គិច​គ្នា​នោះ​ទេ។

រយៈ​ពេល ៣០​នាទី ក្រោយ​មក​ក្រុម​អ្នក​ភូមិ​ក៏​បាន​នាំ​គ្នា​រំសាយ​ទៅ​កាន់​លំនៅឋាន​រៀង​ខ្លួន​វិញ បន្ទាប់​ពី​បាន​ប្រគល់​សេចក្ដី​ថ្លែង​ការណ៍​រួម​របស់​ពួក​គាត់ ជូន​ទៅ​បុគ្គលិក​ម្នាក់​ដែល​បម្រើ​ការ​នៅ​ការិយាល័យ ADB ដោយ​បាន​ជម្រាប​ផង​ដែរ​ថា នៅ​ថ្ងៃ ទី០១ ខែ​វិច្ឆិកា ខាង​មុខ​នេះ​ពួក​គាត់​ទាំង​អស់​គ្នា​នឹង​វិល​មក​ជួប​ប្រជុំ​គ្នា​ម្ដង​ទៀត​នៅ​ទី​នេះ ដើម្បី​សុំ​ជួប​ប្រឹក្សា​យោបល់​ដោយ​ផ្ទាល់​ជាមួយ​ក្រុម​គណៈ​កម្មការ​អន្តរ​ក្រសួង ដោយ​មាន​ការ​សម្រប​សម្រួល​ពី ADB ជុំវិញ​ការ​អនុវត្ត​គម្រោង​នេះ​ក្នុង​ជំហាន​បន្ត​បន្ទាប់៕

សហគមន៍​ផ្លូវ​រថភ្លើង ​ជំរុញ​ធនាគារ​អភិវឌ្ឍន៍អាស៊ី​ជួយ​ទប់ស្កាត់​ការបណ្តេញចេញ​​

ដោយ ញឹម សុខន, VOD​​ សំឡេងប្រជាធិបតេយ្យ, ថ្ងៃទី២៧ ខែសីហា ឆ្នាំ២០១៤

អ្នកតវ៉ានៅសហគមន៍ផ្លូវរថភ្លើង លើកបដាទាមទារកុំឲ្យមានការបណ្តេញប្រជាពលរដ្ឋពីលំនៅដ្ឋាន ទាំងបង្ខំ នៅមុខធនាគារអភិវឌ្ឍន៍អាស៊ី ADB (រូបថត៖ krishan)

តំណាង​សហគមន៍​ចំនួន​៧ ក្នុង​រាជធានី​ភ្នំពេញ ជំរុញ​ឲ្យ​ធនាគារ​អភិវឌ្ឍន៍អាស៊ី​(ADB) ឲ្យ​បង្ហាញ​ជំហរជាក់លាក់​បន្ថែមទៀត ពី​កិច្ចសហការ​ជាមួយ​រដ្ឋាភិបាល លើ​គម្រោង​ពង្រីក​ផ្លូវដែក​នៅ​កម្ពុជា ដើម្បី​ទប់ស្កាត់​ការបណ្តេញ​ប្រជាពលរដ្ឋ​ចេញ​ពី​លំនៅឋាន​ទាំង​បង្ខំ​។​

​ការជំរុញ​នេះ​ធ្វើឡើង​ក្នុង​សន្និសីទ​មួយ នៅ​ជាប់​របង​ធនាគារ​ធនាគារ​នេះ ក្បែរ​ផ្ទះ​លោកនាយក​រដ្ឋមន្ត្រី ហ៊ុន សែន នា​ថ្ងៃ​ទី​២៦​ខែ​សីហា​ឆ្នាំ​២០១៤​នេះ​។​

តំណាង​សហគមន៍​ម្នាក់ អ្នកស្រី នី សន្តោស ឲ្យ​អ្នកសារព័ត៌មាន​ដឹងថា កន្លង​ទៅ​ប្រធាន​ADB​លោក អ៊ី​រិច ស៊ីដ​វិច បញ្ជក់​ក្នុង​លិខិត​ឆ្លើយតប​នឹង​សហគមន៍ ដែល​រស់នៅ​តាម​ដងផ្លូវ​រថភ្លើង​នាពេល​ថ្មីៗ​នេះ​ថា គម្រោង​អភិវឌ្ឍន៍ ផ្លូវដែក​នោះ មានតែ៣​ម៉ែត្រ​កន្លះ​(៣,៥)​ ប៉ុណ្ណោះ​ពី​អ័ក្ស​ផ្លូវ​សងខាង​។ ស្ត្រី​រូប​នោះ​បន្តថា ចំណែក​អាជ្ញាធរ​វិញ បាន​ប្រកាសប្រាប់​ប្រជាពលរដ្ឋ​ថា រដ្ឋ​ត្រូវការ​ដី​យ៉ាងតិច​២០​ម៉ែត្រ​សងខាង​ពី​អក្ស​ផ្លូវ ដើម្បី​ធានា​ពី​សុវត្ថិភាព​នៃ​ដំណើរការ​គម្រោង​។​

​អ្នកស្រី នី សន្តោស យល់ថា ភាពមិនច្បាស់លាស់​នេះ ធ្វើឲ្យ​ពលរដ្ឋ​រាប់​រយ​គ្រួសារ ដែល​កំពុងរស់​នៅ​ជាប់​ផ្លូវ​រថភ្លើង​បារម្ភ​ពី​ការបណ្តេញចេញ «សព្វថ្ងៃនេះ និយាយឲ្យស្មោះត្រង់ទៅ ខ្ញុំដោរស់នៅយភ័យខ្លាច ដោយសារខ្លាចបាត់បង់ទីលំនៅបាត់បង់ការសិក្សារបស់កូន និងបាត់បង់អាជីពក្នុងការកស៊ីចិញ្ចឹមជីវិតសព្វថ្ងៃនេះ»។

តំណាង​សហគមន៍​ផ្សេង​ទៀត ​ឲ្យដឹង​ទៀតថា ធនាគារ​អភិវឌ្ឍន៍អាស៊ី ជា​ភាគី​មួយ​ក្នុង​ការផ្តល់​ប្រាក់កម្ចី និង​ជំនួយ​ដល់​រដ្ឋាភិបាល លើ​គម្រោង​អភិវឌ្ឍន៍​នេះ ដូចនេះ ADB ​គួរ​បង្ហាញ​ជំហរ ជាក់លាក់​ជាង​នេះ​បន្ថែមទៀត ដើម្បី​បង្ហាញ​ពី​តម្លាភាព​ធ្វើយ៉ាងណា​កុំឲ្យ​ពួកគេ​ក្លាយជា​ជនរងគ្រោះ​ ដូច​សហគមន៍​ដទៃទៀត​ «អា៣ម៉ែត្រកន្លះនឹងខ្ញុំដឹងហើយ តែខ្ញុំចង់ដឹងអាផ្សេងទៀតប៉ុន្មានពិតប្រាកដ ការព្រួយបារម្ភរបស់ពួកខ្ញុំនឹងគឺការបណ្តេញចេញទាំងបង្ខំ នឹងគ្មានគោលការណ៍សំណងច្បាស់លាស់ពីក្រុមហ៊ុន និងរដ្ឋាភិបាល»។

កន្លង​ទៅ​សហគមន៍​ជាច្រើន​ក្នុង​រាជធានី​ភ្នំពេញ ត្រូវ​បាន​បណ្តេញ​ចេញ​ទាំង​បង្ខំ ដូចជា​សហគមន៍​ដី​ក្រហម សំបុក​ចាប បុរី​កីឡា និង​បឹងកក់​ជាដើម​។​

VOD​ មិនអាច​សុំ​ការ​អត្ថាធិប្បាយ​ពី​លោក លោក អ៊ី​រិច ស៊ីដ​វិច ប្រធាន ADB បានទេ ជុំវិញ​ការលើកឡើង​នេះ​។​

តាម​សេចក្តីប្រកាស​របស់​រដ្ឋាភិបាល​ចុះ​ថ្ងៃ​ទី​២៧ ​ខែ​កញ្ញា ​ឆ្នាំ​១៩៩៩ បញ្ជាក់ថា ការពង្រីក​ផ្លូវ​រថភ្លើង​នៅ​ទីក្រុង ទី​រួម​ខេត្ត​ និង​ទីប្រជុំ​ជន គឺ​មាន​ចំងាយ​២០​ម៉ែត្រ​ពី​សងខាង​អ័ក្ស​ផ្លូវ ។​ ចំពោះ​ផ្លូវនៅ​ក្រៅ​ក្រុង ត្រូវ​ពង្រីក​ចំងាយ​៣០​ម៉ែត្រ។ ចំណែកនៅ​តំបន់​ព្រៃ​ភ្នំ​ដែល​មាន​ថ្ម​រមៀល​ធ្លាក់ ត្រូវ​ពង្រីក១០០​ម៉ែត្រ ពី​សងខាង​អ័ក្ស​។​

នាយក​ប្រតិបត្តិ​អង្គការ​សមធម៌​កម្ពុជា លោក អៀង វុទ្ធី ឲ្យដឹងថា គម្រោង​អភិវឌ្ឍន៍​ផ្លូវ​រថភ្លើង​នេះ ពិតជា​មាន​ការអះអាង​ផ្សេងគ្នារវាង​រដ្ឋាភិបាល និង​ក្រុមហ៊ុន ថូ​ល ដែល​ទទួលបាន​សិទ្ធិ​វិនិយោគ​៣០​ឆ្នាំ​លើ​គម្រោង​នេះ​។ ប៉ុន្តែ​លោក​ជំរុញ​ឲ្យ​ភាគី​ពាក់ព័ន្ធ​ត្រូវ​បង្ហាញ​ពី​តម្លាភាព​ នៃ​ការអនុវត្តន៍​គម្រោង​នេះ ដើម្បី​ធានា​ពី​ការគោរព​សិទ្ធិមនុស្ស​ «ADB មានកាតព្វកិច្ចតាមគោលនយោបាយរបស់ខ្លួន ដើម្បីផ្តល់ព័ត៌មានក្នុងការអភិវឌ្ឍផ្លូវរថភ្លើងនេះ ហើយក្រុមហ៊ុនថូលក៏ដូចគ្នា រាជរដ្ឋាភិបាល តាមរយៈអន្តរក្រសួង ក៏ត្រូវជូនដំណឹងឲ្យប្រជាពលរដ្ឋដឹងអំពីផែនការរបស់ខ្លួន ដើម្បីឲ្យប្រជាពលរដ្ឋត្រៀមចូលរួមក្នុងការអភិវឌ្ឍជាតិ»។​

យ៉ាងនេះក្តី ​លិខិត​របស់​អ្នកភូមិ​ដែលចែ​ក​ឲ្យ​អ្នកសារព័ត៌មាន ឲ្យដឹងថា ធនាគារ​អភិវឌ្ឍន៍អាស៊ី ជាដើម​ហេតុ​មួយ​ក្នុងចំណោម​ដើមហេតុ​ជាច្រើន ដែល​បង្ករ​ឲ្យមាន​ការអភិវឌ្ឍ​ផ្លូវរ​ថ​ភ្លើង និង​បង្ក​ភាពភ័យខ្លាច​ដល់​ពួកគេ​។​

​អ្នកភូមិ​បញ្ជាក់ថា ធនាគារ​ដែលមានស្តង់ដា​អន្តរជាតិ​មួយ​នេះ​ នឹង​ផ្តល់​ព័ត៌មាន​ពិត​បន្ថែមទៀត ដល់​សហគមន៍ ដើម្បី​ធានា​ថា​កិច្ចសហកា​រលើ​គម្រោង​នោះ នឹង​មិន​ធ្វើឲ្យ​ប្រជាពលរដ្ឋ​រាប់​រយ​គ្រួសារ ធ្លាក់ខ្លួន​ក្រីក្រ​ជាង​បច្ចុប្បន្ន​៕

ពលរដ្ឋ​រង​ផល​​ប៉ះពាល់​ពី​​ការ​ពង្រីក​ផ្លូវ​រទេះភ្លើង​ប្រមូល​ផ្ដុំ​នៅ​អេ.ឌី.ប៊ី

ដោយ វោហារ ជាតិ, វិទ្យុអាស៊ីសេរី, ថ្ងៃទី២៦ ខែសីហា ឆ្នាំ២០១៤

ផ្លូវ​ដែក ៣០៥

០៥-កក្កដា-២០១១៖ លំនៅឋាន​ប្រជាពលរដ្ឋ​នៅ​សហគមន៍​ក្បែរ​ផ្លូវ​រថភ្លើង ក្នុង​ខណ្ឌ​ឫស្សីកែវ រាជធានី​ភ្នំពេញ។

តំណាង​ពលរដ្ឋ​រង​ផល​ប៉ះពាល់​ការ​ពង្រីក​ផ្លូវ​រទេះភ្លើង​នៅ​ភ្នំពេញ ប្រមាណ ៣០​នាក់ ប្រមូល​ផ្ដុំ​គ្នា​នៅ​ក្បែរ​ធនាគារ​អភិវឌ្ឍន៍​អាស៊ី អេ.ឌី.ប៊ី (ADB) នៅ​ព្រឹក​ថ្ងៃ​ទី​២៦ សីហា ទាមទារ​ឲ្យ​មន្ត្រី អេ.ឌី.ប៊ី បញ្ចេញ​ឯកសារ​ស្ដីពី​ការ​ពង្រីក​ផ្លូវ​រទេះភ្លើង​ជំហាន​ទី​២ និង​ទី៣ ឲ្យ​ពួក​គាត់​បាន​ដឹង​មុន។

តំណាង​ពលរដ្ឋ​រង​ផល​ប៉ះពាល់​ការ​ពង្រីក​ផ្លូវ​រទេះភ្លើង​ម្នាក់​ គឺ​លោកស្រី នី សន្ដោស អះអាង​ថា ពួកគាត់​លើក​គ្នា​មក​នេះ គឺ​ដើម្បី​ជូន​ដំណឹង​ឲ្យ​មន្ត្រី អេ.ឌី.ប៊ី រៀបចំ​ឯក​សារ​ទាក់ទង​ការអភិវឌ្ឍ​ពង្រីក​ផ្លូវ​រទេះភ្លើង​ថា តើ​មាន​ទំហំ​ប៉ះពាល់​យ៉ាង​ណា​ក្នុង​ដំណាក់​កាល​ទី​២ និង​ទី​៣ ដើម្បី​កុំឲ្យ​ពួកគាត់​ព្រួយ​បារម្ភ​តទៅ​ទៀត ហើយ​ពួកគាត់​នឹង​វិល​មក​ទទួល​ឯកសារ​ទាំង​នោះ​នៅ​ថ្ងៃ​ទី​១ កញ្ញា ឆ្នាំ​២០១៤។

សូម​រង់ចាំ​អាន​និង​ស្ដាប់​ព័ត៌មាន​នេះ​ពិស្ដារ…

ប្រជា​សហគមន៍​រស់នៅ​តាម​ដងផ្លូវ​រថភ្លើង​ទាមទារ​ឲ្យ​ ADB ​ផ្តល់​ព័ត៌មាន​ពិត​ពី​ការអភិវឌ្ឍ​ផ្លូវ​រថភ្លើង​​

ដោយ ថុល ស្រីលក្ខណ៍, VOD សំឡេងប្រជាធិបតេយ្យ, ថ្ងៃទី១១ ខែសីហា ឆ្នាំ២០១៤

ប្រជាពលរដ្ឋធ្វើការតវ៉ានៅមុខ ធនាគារ​អភិវឌ្ឍន៍អាស៊ី​នៅ​កម្ពុជា (រូបដោយ៖ ថុល ស្រី​លក្ខណ៍)

ប្រជា​សហគមន៍​រស់នៅ​តាម​ដងផ្លូវ​រថភ្លើង ប្រមាណ​២០០​នាក់ មក​ពី​សហគមន៍​ចំនួន​៨ ក្នុង​រាជធានី​ភ្នំពេញ នា​ព្រឹក​ថ្ងៃ​ចន្ទ​នេះ ប្រមូលផ្តុំ​គ្នា នៅខាងមុខ​ធនាគារ​អភិវឌ្ឍន៍អាស៊ី (ADB) ដើម្បី​ជំរុញ​ឲ្យ​ធនាគារនេះ ផ្តល់​ព័ត៌មាន​ពិត ពី​គម្រោង​អភិវឌ្ឍន៍​ផ្លូវ​រថភ្លើង ពី​ភ្នំពេញទៅ​កំពុងផែ​ក្រុងព្រះសីហនុ​។

​​អ្នកស្រី នី សន្តោស មក​ពី​សហគមន៍​ភូមិ​២៣ ជា​ប្រជាពលរដ្ឋ​ម្នាក់​ក្នុងចំណោម​អ្នក​ដាក់​ញត្តិ​នោះ​អះអាងថា មូលហេតុ​ដែល​ពួកគាត់​ប្រមូលផ្តុំ​គ្នា​នៅ​ថ្ងៃនេះ ដោយសារ​ធនាគារ​នេះ មិន​បាន​ផ្តល់​ព័ត៌មាន​លម្អិត​ដល់​ពួកគាត់ ដែលជា​អ្នក​រង​ផលប៉ះពាល់​នៃ​គម្រោង​អភិវឌ្ឍ​ផ្លូវ​រថភ្លើង​នេះ​ឲ្យបាន​ច្បាស់លាស់​។ អ្នកស្រី​ថា ម្យ៉ាងទៀត​គម្រោង​អភិវឌ្ឍ​ដែល​ផ្តល់​សំណង​ថ្លៃ​ដី ១​ម៉ែត្រការ៉េ ២០០០​រៀល នោះ​គឺ​មិន​អាច​ទទួលយកបាន​នោះទេ​។

​​អ្នកស្រី មាស ស្រីមុំ ដែល​ចូលរួម​តវ៉ា ដែរ​នោះ​បន្ថែមថា ពួកគាត់​សព្វថ្ងៃ រស់នៅ​ទាំង​ភ័យខ្លាច មិន​ហ៊ាន​សាងសង់​សំណង់ ឬ​ជួសជុលផ្ទះ​នោះទេ ព្រោះ​មិន​ទាន់​ដឹង​ពី​ទំហំ​នៃ​ការអភិវឌ្ឍ​ផ្លូវ​រថភ្លើង​នេះ ឲ្យបាន​ច្បាស់លាស់​។ អ្នកស្រី​ទាមទារ​ឲ្យ​ធនាគារ​នេះ​ផ្តល់​ព័ត៌មាន​លម្អិត​ដល់​ពួកគាត់ ដើម្បី​ឲ្យ​ពួកគាត់​ត្រៀមខ្លួន​ជាមុន ព្រោះ​ពួកគាត់​ត្រូវ​ការរៀបចំ​ផែនការ​គ្រួសារ​ទៅ​ថ្ងៃ​ខាង​មុខ​។

​​តាំងពី​ម៉ោង​៨​ព្រឹក​រហូត​មកដល់ពេលនេះ ប្រជា​សហគមន៍​ទាំងនោះ បន្ត​ប្រមូលផ្តុំ​គ្នា​លើក​បដា និង​ស្រែកច្រៀង នៅខាងមុខ​ធនាគារ​អភិវឌ្ឍន៍អាស៊ី ខណៈ​តំណាង​របស់​ពួកគាត់ ចូល​ជួប​ជាមួយ​មន្ត្រី ធនាគារ​នេះ​។ រហូតមកដល់​ម៉ោង​១២​កិច្ចប្រជុំ​បាន​បញ្ចប់ ហើយ​មន្ត្រី​ធនាគារ​នេះ សន្យាថា និង​ផ្តល់​ចម្លើយ​ឲ្យនៅ​ថ្ងៃស្អែក​។​

​​ការប្រមូលផ្តុំ​របស់​ប្រជាពលរដ្ឋ​នោះ​មិន​មាន​ការ រារាំង​នោះ​ទេ តែ​ឃើញ​មាន​កងកម្លាំង​បង្ក្រាប​ប្រមាណ​១០០​នាក់ ប្រដាប់​ដោយ​ខែល និង​ដំបង ប្រមូលផ្តុំ​គ្នា​នៅលើ​សួនច្បារ​ក្រោម​ដើម​ពោធិ៍ ជិត​ផ្ទះ​លោក នាយករដ្ឋមន្ត្រី​ហ៊ុន​សែន​។​

​​នាយក​លេខាធិការដ្ឋាន​ក្រុមការងារ​ពិសេស​ទទួលបន្ទុក​ផ្នែក​សិទ្ឋិ​លំនៅដ្ឋាន លោក សៀ ភារម្យ មានប្រសាសន៍ថា នេះ​ជា​ការល្អប្រសើរ ដែល​ប្រជាពលរដ្ឋ ចេះ​ស្វែងរក​ព័ត៌មាន​ពិត​ពី​ការអភិវឌ្ឍ ដែល​ប៉ះពាល់​ផ្ទាល់​ជាមួយ​ពួកគាត់​។ លោក​ថា ធនាគារ​នេះ គួរតែ​ផ្តល់​ព័ត៌មាន​ពិត​ដល់​ពួកគេ​។

​​បើ​តាម​ប្រជាពលរដ្ឋ​បានឲ្យដឹងថា ធនាគារ​ADB គ្រោង​បញ្ចប់​គម្រោង​ទី​១​របស់​ខ្លួន​នៅ​ចុងឆ្នាំ​២០១៤​នេះ ដោយ​ពង្រីក​ផ្លូវដែក ទំហំ ៣​ម៉ែត្រ​កន្លះ តែ​ក្រោយមក​មាន​ពាក្យ​ចចាមអារ៉ាម​ថា ទំហំ​ផ្លូវ​នេះ​មាន​ការពង្រីក​បន្ថែម​ទៀត ទើប​ពួកគាត់​ទាមទារ​ឲ្យ​ធនាគា​នេះ បញ្ជាក់​ឲ្យបាន​ច្បាស់​។​

​​តាម​សេចក្តីរាយការណ៍​នានា ឲ្យដឹងថា ធនាគារ​អភិវឌ្ឍន៍អាស៊ី​នៅ​កម្ពុជា ADB ផ្តល់​កម្ចី លើ គម្រោង​វិនិយោគ​ជួសជុល​ផ្លូវ​ដែក​នៅ​កម្ពុជា​ចំនួន​២​ខ្សែ គឺ ពី​ផ្នែក​ខាងត្បូង​ភ្នំពេញ ទៅ កំពុងផែ​ក្រុងព្រះសីហនុ មាន​ប្រវែង ២៥៦​គីឡូម៉ែត្រ និង​ពី​ផ្នែក​ខាងជើង​ភ្នំពេញ ទៅ​ព្រំដែន​ថៃ​ក្រុង​ប៉ោយ​ប៉ែត ចម្ងាយ ៣៨៣​គីឡូម៉ែត្រ តាំងពី​ឆ្នាំ​២០០៧​។ របាយការណ៍ ADB ឆ្នាំ​២០១២ បានឲ្យដឹងថា គម្រោង​នេះ នឹង​ប៉ះពាល់​ដល់​ប្រជាពលរដ្ឋ ចំនួន​៤០០០​គ្រួសារ​នៅ​ទូ​ទាំង​ប​ប្រទេស ក្នុងនោះ​១០៥០​គ្រួសារ​ត្រូវ​ផ្លាស់ប្តូរ​ទីលំនៅ​។ កន្លង​មក​គម្រោង​អភិវឌ្ឍន៍​នេះ រង​ការរិះគន់​ពី​សង្គម​ស៊ីវិល ថា គម្រោង​នេះ​ធ្វើឲ្យ​ប្រជាពលរដ្ឋ​ដែល​រង​ផលប៉ះពាល់ រងគ្រោះ ដោយ​ទទួលបាន​សំណង​បន្តិច​បន្ទួ​ច​៕

Protesting Families Demand Answers From ADB

By Aun Pheap And Zsombor Peter, The Cambodia Daily, 12 August 2014

Phnom Penh families who face losing a part of their land to a railway rehabilitation project being funded primarily by the Asian Development Bank (ADB) protested in front of the bank’s country headquarters Monday over what they say has been a lack of transparency about their fate.

They said a brief meeting with Country director Eric Sidgwick left them still in the dark.

The $143 million project, which has run out of money with much of the work unfinished, has already forced hundreds of families out of their old homes along the country’s railway tracks in several provinces. The families have been resettled to distant and ill-equipped sites.

The roughly 100 men, women and children who joined Monday’s protest came from 165 families along a stretch of track in Phnom Penh’s Tuol Kok district who will not have to move their homes, but will likely have to give up a part of their land for a right-of-way.

The families say they have received few details and conflicting information about just how much land they will have to give up. In a list of questions they gave the bank on August 4, they also wanted to know the exact schedule of work, the identities of all investors and their responsibilities, among other queries.

“The ADB…must be responsible for this project,” said Ny Sandos, one of the protesters. “The ADB gave the money that has affected the villagers.”

An ADB representative who briefly came out to meet the protesters told them that Mr. Sidgwick was out of the country. Not long afterward, however, four representatives were ushered into the compound for a brief meeting with Mr. Sidgwick himself, said Ms. Sandos, who joined the meeting.

She said the country director did not answer any of their questions but offered to get back to them if he got additional information.

“Mr. Eric told us that he would contact us by telephone tomorrow if he receives specific information for the protesters,” Ms. Sandos said. “If Mr. Eric does not keep his promise, we will continue to protest.”

Though the families have no titles to the land, they say they have been living by the tracks for years or decades and have documents proving their residency endorsed by local authorities.

In a letter to the families dated Friday, Mr. Sidgwick claims that the Finance Ministry’s Resettlement Department would have to answer their questions because it was in charge of the project’s resettlement program, even though this particular group of families is not facing resettlement.

As for Mr. Sidgwick’s meeting with the families Monday morning, the bank in an email said the country director “met with the representatives, provided information and offered to provide follow-up clarification if requested.”