កា​រត​ភ្ជាប់​កំណាត់​ផ្លូវដែក​កម្ពុជា​-​ថៃ​នឹង​បញ្ចប់​នៅ​ដំណាច់ឆ្នាំ​នេះ

Advertisements

ប្រជា​សហគមន៍ ផ្លូវ​រថភ្លើង​ប្រមូលផ្តុំ មុខ​ស្ថានទូត​ហ្វីលីពីន ដើម្បី​សុំ​អន្តរាគមន៍​

ប្រភព៖ cen.com.kh ថ្ងៃទី 11 ឧសភា 2015 ដោយ៖ មុនីរាជ
ភ្នំពេញ: នៅ​ព្រឹក​ថ្ងៃទី​១១ ខែឧសភា នេះ ប្រជា​សហគមន៍​ផ្លូវ​រថភ្លើង ក្នុង​រាជធានី​ភ្នំពេញ បាន នាំគ្នា​ទៅ​ប្រមូលផ្តុំនៅមុខ​ស្ថានទូត​ហ្វីលីពីន ដើម្បី​ធ្វើ​សន្និសីទកាសែត ក្នុង​គោលបំណង​ដើម្បី​ស្នើសុំ​ឲ្យ​ធនាគារអភិវឌ្ឍន៍អាស៊ី ប្រចាំ​នៅ​ហ្វីលីពីន ជួយ​ធ្វើ​អន្តរាគមន៍ មកលើ​ធនាគារអភិវឌ្ឍន៍អាស៊ី​ប្រចាំ​នៅ​កម្ពុជា ដើម្បី​ផ្តល់ព័ត៌មាន​លម្អិត ទាក់ទង​នឹង​គម្រោង​អភិវឌ្ឍន៍​ផ្លូវដែក ជូន​ប្រជា​សហគមន៍​ផ្លូវដែកនៅ​រាជធានី​ភ្នំពេញ​។​

​យោងតាម​ សេចក្តីថ្លែងការណ៍​របស់ ប្រជា​សហគមន៍​ផ្លូវ​រថភ្លើង បាន​ឲ្យ​ដឹងថា ពួកគាត់​នៅតែ​រក្សា​ជំហរ ទាមទារ​ឲ្យ​មាន​កិច្ចប្រជុំ ជា​ត្រីភាគី ដែលមាន​តំណាង​សហគមន៍ ចំនួន​៨​នាក់​តំណាង​ក្រុមហ៊ុន ថូ​ល​រ៉ូយ៉ាល់ ក្រុមហ៊ុន រ៉ូយ៉ាល់​គ្រុប ដែលមាន​សិទ្ធិអំណាច ពេញ លេញ​ក្នុងការ​ឆ្លើយតប​សំណួរ របស់​ប្រជាពលរដ្ឋ និង​ភាគី​តំណាង​ធនាគារអភិវឌ្ឍន៍៍អាស៊ី ប្រចាំ​កម្ពុជា​។​

​ ប្រជាពលរដ្ឋ បាន​បញ្ជាក់ថា ប្រជា​សហគមន៍​ផ្លូវដែក បាន​ព្យា​យ​យាម ជាច្រើនលើក​ច្រើនសា ក្នុងការ​ទាមទារ​យក​ព័ត៌មាន​លម្អិត ស្តីពី​គម្រោង​ផ្លូវដែក​នៅ​កម្ពុជា ជាពិសេស​នៅក្នុង​តំបន់​រាជធានី​ភ្នំពេញ​។ ដោយហេតុ​ធនាគារអភិវឌ្ឍន៍អាស៊ី ប្រចាំ​កម្ពុជា ព្យាយាម​ពន្យារពេល​រហូត​តាំងពី​លិខិតដែល​ប្រជាពលរដ្ឋ បានដាក់​ទៅនៅ​ថ្ងៃទី​៤ ខែសីហា ឆ្នាំ​២០១៤ គឺ​នៅតែ​គ្មាន​ដំណោះស្រាយ​។​

​ ប្រជាពលរដ្ឋ បាន​ទទូច​ឲ្យ​ធនាគារអភិវឌ្ឍន៍អាស៊ី ផ្តល់ព័ត៌មាន​លំអិត​ពី គម្រោង​នេះ​ដល់​ប្រជាពលរដ្ឋ​ដោយហេតុថា ធនាគារអភិវឌ្ឍន៍អាស៊ី ផ្តល់ប្រាក់​កម្ចី​ដល់ រាជរដ្ឋាភិបាល ប្រាកដ​ជាមាន​ព័ត៌មាន​លំអិត​ពី គម្រោង​អភិវឌ្ឍន៍​ផ្លូវដែក​នៅ​កម្ពុជា​។ ធនាគារអភិវឌ្ឍន៍ អាស៊ី ជា​ស្ថាប័ន​អន្តរជាតិ ត្រូវមាន​តម្លាភាព និង​ស្មារតី​ទទួលខុសត្រូវ​ខ្ពស់ ចំពោះ​គ្រួសារ​ដដែល ទទួលរង​ផលប៉ះពាល់​ដោយផ្ទាល់ និង​ដោយ​ប្រយោល​ពីគម្រោង​គាំទ្រ​របស់ខ្លួន​៕ –

 

China train firm still eyeing rail potential

By:May Kunmakara, The Phnom Penh Post  January 30, 2015

The company behind Cambodia’s mysterious $9.6 billion railway is back in town, this time they are considering the feasibility of another railway project.

In January 2013, the China Railway Group Limited announced a $9.6 billion railway line to run from Preah Vihear province in the north to Koh Kong province in the south.

Shrouded in secrecy, construction of the 400-kilometre line is yet to begin.

President of the organisations subsidiary, China Railway International Group, Lu Bo met with the Minister of Commerce Sun Chanthol on Wednesday saying his firm wants to do a feasibility study on another railway in Cambodia, a post on the ministry’s Facebook page states.

Chanthol urged the company to submit a project proposal to the government. No further details were given, nor was the 2013 project mentioned.

The Commerce Ministry could not be reached yesterday.

Ly Borin, head of railroads at the Ministry of Public Works and Transport said he had not spoken to China railway on their recent visit and did not know the status of the north-south railway.

“As far as I know, the company doesn’t have enough money,” he said. “Right now, I don’t know what happened about the project.“

 

ថៃ-ជប៉ុន​ គ្រោង​សង់​ផ្លូវដែក​ភ្ជាប់​កម្ពុជា

ដោយ៖ The Bangkok Post, ភ្នំពេញប៉ុស្ដិ៍ុំ,  ថ្ងៃទី៣០ខែមករា ឆ្នាំ២០១៥

PP 008

អ្នកដំណើរ​កំពុង​ចុះ​ពី​រថភ្លើង​ផ្លូវ​លើ​នៅ​ទីក្រុង​បាងកក។ bloomberg

ក្រុងបាងកកៈ ប្រទេស​ថៃ និង​ជប៉ុន​បាន​យល់ព្រម​ជា​គោលការណ៍​ស្ដីពី​ការ​អភិវឌ្ឍ​រួម​លើ​បណ្ដាញ​ផ្លូវដែក​កម្រិត​ស្ដង់ដារ​មាន​ប្រវែង​១ ៤៣៥​គីឡូម៉ែត្រ​ដែល​តភ្ជាប់​ភូមិ​ជាប់​ព្រំប្រទល់​នៅ​ខេត្ត Kanchanaburi ប្រទេស​ថៃ​ជាមួយ​កម្ពុជា​។

កាលពី​ថ្ងៃ​អង្គារ​លោក​ឧបនាយករដ្ឋមន្ដ្រី Pridiyathorn Devakula បន្ទាប់ពី​ជំនួប​ជាមួយ​លោក Hiroto Izumi ទីប្រឹក្សា​ពិសេស​របស់​លោក​នាយករដ្ឋមន្ដ្រី ស៊ីនហ្សូ អាបេ បាន​ថ្លែង​ថា ទីក្រុង​តូក្យូ​មាន​បំណង​វិនិយោគ​ផ្លូវដែក​ក្នុង​ការ​តភ្ជាប់​គម្រោង Dawei នៅក្នុង​ប្រទេស​មីយ៉ាន់ម៉ា​មក​កម្ពុជា​កាត់​តាម​ក្រុង​ជាប់​ព្រំដែន Ban Phu Nam Ron នៅ​ខេត្ត Kanchanaburi ទីក្រុង​បាងកក ខេត្ត Chachoengsao និង​ស្រុក Aranyaprathet របស់​ខេត្ត​ស្រះកែវ​ប្រទេស​ថៃ​។

ផ្លូវ​នេះ​តភ្ជាប់​រវាង​ភាគ​ខាង​កើត និង​ភាគ​ខាង​លិច​ប្រទេស​ថៃ​ផ្សេង​ទៀត។

គណៈកម្មាធិការ​ការងារ​របស់​ថៃ និង​ជប៉ុន​នឹង​ត្រូវ​បាន​បង្កើត​ឡើង​ពេល​ក្រោយ​ដើម្បី​សិក្សា​ព័ត៌មាន​លម្អិត​ដូចជា ផ្លូវ ទំហំ និង​ប្រភេទ​នៃ​ការ​វិនិយោគ​។

នាយករដ្ឋមន្ដ្រី ប្រាយុធ ចានអូចា បាន​កំណត់​ពេល​ដើម្បី​ចុះហត្ថលេខា​លើ​អនុស្សរណៈ​នៃ​ការ​យោគយល់​ស្ដីពី​គម្រោង​ផ្លូវដែក​ក្នុង​អំឡុង​ដំណើរ​ទស្សនកិច្ច​ទៅកាន់​ប្រទេស​ជប៉ុន​របស់​លោក​នៅ​ថ្ងៃ​ទី​៨-៩​ខែ​កុម្ភៈ​។

ផ្លូវដែក​ចេញ​ពី​ប្រទេស​ថៃ​ទៅកាន់​ប្រទេស​មីយ៉ាន់ម៉ា​កាត់​តាម​ខេត្ត Kanchanaburi ធ្លាប់​បាន​សាកល្បង​ធ្វើ​ពី​មុន​មក ប៉ុន្តែ​គម្រោង​នេះ​ត្រូវ​បាន​ផ្អាក​ពី​ខែ​សីហា ឆ្នាំ​១៩៤៥​។

បច្ចុប្បន្ន Phu Nam Ron ល្បីឈ្មោះ​ថា ជា​ក្រុង​ឆ្លងកាត់​ព្រំដែន​សម្រាប់​ភ្ញៀវទេសចរ និង​អ្នក​រត់​ទិដ្ឋាការ​ពី​ប្រទេស​ថៃ​ដែល​កំពុង​ស្វែងរក​ដំណើរ​កម្សាន្ត​ប្រទេស​មីយ៉ាន់ម៉ា​ក្នុង​រយៈពេល​ខ្លី​។

លោក Pridiyathorn បាន​ថ្លែង​ថា​៖ «​ផ្លូវ​នេះ​នឹង​រត់​ក្នុង​ល្បឿន​លឿន​ជាង​ផ្លូវ​ទីក្រុង Nong Khai-ទីក្រុង​បាងកក- ក្រុង Map Ta Phut ដែល​នឹង​រត់​ក្នុង​ល្បឿន​ពី​ ១៦០​ ដល់​ ១៨០ ​គីឡូម៉ែត្រ​ក្នុង​មួយ​ម៉ោង ដោយសារ​តែ​ប្រទេស​ជប៉ុន​ចង់​អភិវឌ្ឍ​រថភ្លើង​មាន​ល្បឿន​លឿន​ពិតប្រាកដ​ជាមួយ​នឹង​ល្បឿន​ជាង ​២០០​ គីឡូម៉ែត្រ​ក្នុង​មួយ​ម៉ោង​»​។

ថ្មីៗ​នេះ លោក Prajin Juntong រដ្ឋមន្ដ្រី​ក្រសួង​ដឹកជញ្ជូន​បាន​ថ្លែង​បន្ទាប់ពី​កិច្ចប្រជុំ​មួយ​ស្ដីពី​គម្រោង​អភិវឌ្ឍន៍​ផ្លូវដែក ​ចិន-ថៃ ដែល​មន្ដ្រី​ថៃ និង​មន្ដ្រី​ចិន​មាន​គំនិត​ដូចជា​ទាក់ទង​នឹង​ការ​សាងសង់​ផ្លូវដែក​ប្រវែង​៨៧៣​គីឡូម៉ែត្រ ទីក្រុង Nong Khai- ទីក្រុង​បាងកក- ក្រុង Map Ta Phut-ទីក្រុង​បាងកក- ស្រុក Kaeng Khoi។

លោក Pridiyathorn បាន​ថ្លែង​ថា ប្រទេស​ជប៉ុន​បាន​ស្នើឲ្យ​មាន​ការវិនិយោគ​នៅក្នុង​គម្រោង Dawei ដែល​ជា​ការ​អភិវឌ្ឍ​រួម​រង់ចាំ​រយៈពេល​ជាយូរ​មក​ហើយ​រវាង​ប្រទេស​ថៃ និង​ប្រទេស​មីយ៉ាន់ម៉ា​។

Dawei ជា​ទីក្រុង​របស់​ប្រទេស​ មីយ៉ាន់ម៉ា ​ដែល​មាន​ចម្ងាយ ​៣៥០ ​គីឡូម៉ែត្រ នៅ​ភាគ​ខាង​លិច​ទីក្រុង​បាងកក នឹង​ក្លាយ​ជា​តំបន់​វិនិយោគ​គម្រោង​ធំៗ​ជាច្រើន និង​តំបន់​សេដ្ឋកិច្ច​ពិសេស​ (SEZ) ៕

 

 

ក្រុមហ៊ុន​​​រដ្ឋ​​​ធំ​បំផុត​លំដាប់​​ទី​ប្រាំ​មួយ​​របស់​​ចិន​ គ្រោង​សាង​សង់​ផ្លូវ​ដែក​នៅ​ប្រទេស​កម្ពុជា​

ប្រភព៖ BNEWS, អត្ថបទ ៖ ចាន់ សុខ​ នាង​, ផ្សាយ ថ្ងៃទី29  ខែJanuary  ឆ្នាំ2015  ម៉ោង​ 10:16 នាទី

ក្រុម​ហ៊ុន​ផ្លូវ​ដែក​ចិន​អន្តរជាតិ​ China Railway International Group ​​មាន​គម្រោង​សាង​សង់​ផ្លូវ​ដែក​នៅ​កម្ពុជា​ដោយ​ឈរ​លើ​គោលការណ៍​កសាង​ប្រតិបត្តិ​ផ្ទេរ ​(Build Operate Transfer)។

railwayប្រធាន​ក្រុម​ហ៊ុន​ផ្លូវដែក​ចិន​អន្តរជាតិ​ China Railway International Group​​ លោក លូ​ បូ (​Lu Bo)​​ លើក​ឡើង​ក្នុង​ជំនួប​ពិភាក្សា​ការងារ​ជា​មួយ​រដ្ឋ​​មន្ត្រី​ក្រសួង​ ពាណិជ្ជកម្ម​កាល​ពី​ម្សិល​មិញ​នេះ​ថា ​ក្រុមហ៊ុន​របស់​លោក​ មាន​បំណង​ស្វែង​រក​លទ្ធភាព​សាងសង់​ផ្លូវដែក​នៅ​កម្ពុជា​ ដោយ​ឈរ​លើ​គោលការណ៍​កសាង​ ប្រតិបត្តិ​ផ្ទេរ​(Build Operate Transfer)។​

ឆ្លើយ​តប​ទៅ​នឹង​ការ​លើក​ឡើង​នេះ ​​​រដ្ឋ​មន្ត្រី​ក្រសួង​ពាណិជ្ជកម្ម ​លោក ស៊ុន​ ចាន់​ថុល​ គាំទ្រ​ចំពោះ​ការ​វិនិយោគ​របស់​ចិន​​មក​លើ​គម្រោង​ហេដ្ឋារចនាសម្ព័ន្ធ​នៅ​ កម្ពុជា​​ដោយ​ឈរ​លើ​គោលការណ៍​​កសាង​ប្រតិបត្តិ​ផ្ទេរ​​(BOT)​នេះ ហើយ​​លោក​ក៏​បាន​ជំរុញ​ឲ្យ​ក្រុមហ៊ុន​ដាក់​សំណើ​គម្រោង​ទាក់ទង​នឹង​ផែន​ការ​ សាងសង់​ផ្លូវដែក​នេះ​ ទៅ​ក្រសួង​សាធារណៈ​ការ​ និង​ដឹកជញ្ជូន​ និង​ក្រុមប្រឹក្សាអភិវឌ្ឍន៍​កម្ពុជា​ដើម្បី​សុំ​ការ​ពិនិត្យ​សម្រេច​។

តាម​ការ​បញ្ជាក់​របស់​ លោក​​លូ បូ (Lu Bo)​ ក្រុមហ៊ុន​ផ្លូវ​ដែក​ចិន​អន្តរជាតិ​ China Railway International គឺ​ជា​សហគ្រាស​រដ្ឋ​ ដ៏​ធំ​បំផុត​ទី​ប្រាំ​មួយ​ នៅ​ប្រទេស​ចិន​ មាន​បទពិសោធន៍​យ៉ាង​ច្រើន​លើ​ការ​សាងសង់​ផ្លូវដែក នៅ​ក្នុង​ប្រទេស​ចិន​ និង​នៅ​ក្នុង​ពិភពលោក​ និង​មាន​ចំណែក​ទីផ្សារ​ភាគច្រើន​ លើ​វិស័យ​សាងសង់​ផ្លូវដែក​ ។

គួររំលឹក​ថា​ នាពេល​ថ្មី​​ៗ​នេះ​ ​​​​ប្រទេស​ថៃ​ និង​ជប៉ុន​បាន​ព្រមព្រៀង​គ្នា​ជា​គោលការណ៍​​​លើ​គម្រោង​អភិវឌ្ឍន៍​រួម​គ្នា​ ​​នៃ​ការ​ស្ថាបនា​ផ្លូវ​រថភ្លើង​ស្តង់ដារ​​ទំហំ​ ១,៤៣៥ ​ម៉ែត្រ​​ដែល​ភ្ជាប់​ពី​​ខេត្ត​​​​កាន់ចាណាបុរី​ (Kanchanaburi) ​ព្រំដែន​ប្រទេស​មីយ៉ាន់ម៉ា​ ​មក​ប្រទេស​​កម្ពុជាផង​​​ដែរ៕​

ពលរដ្ឋ​ដែល​រង​ផល​ប៉ះពាល់​ពី​គម្រោង​ផ្លូវ​ដែក​តវ៉ា​មុខ​ធនាគារ​អេ.ឌី.ប៊ី

ដោយៈលេង ម៉ាលី, អាស៊ីសេរី, ថ្ងៃទី ១៩ ខែ តុលា ឆ្នាំ ២០១៤

ធនាគារ​អេឌីប៊ី ៦២០

ប្រជាពលរដ្ឋ​៧​សហគមន៍ រស់នៅ​តាម​បណ្ដោយ​ផ្លូវ​ដែក ក្នុង​រាជធានី​ភ្នំពេញ បាន​ប្រមូល​ផ្ដុំ​គ្នា​នៅ​ពីមុខ​ការិយាល័យ​របស់​ធនាគារ​អភិវឌ្ឍន៍​អាស៊ី ឬ​ហៅ​កាត់ អេ.ឌី.ប៊ី (ADB) នៅ​ថ្ងៃ​ទី​២០ តុលា ២០១៤។

ប្រជាពលរដ្ឋ​៧​សហគមន៍ ​រស់នៅ​តាម​បណ្ដោយ​ផ្លូវ​ដែក ក្នុង​រាជធានី​ភ្នំពេញ បាន​ប្រមូល​ផ្ដុំ​គ្នា​នៅ​ពីមុខ​ការិយាល័យ​របស់​ធនាគារ​អភិវឌ្ឍន៍​អាស៊ី ឬ​ហៅ​កាត់ អេ.ឌី.ប៊ី (ADB) នៅ​ថ្ងៃ​ទី​២០ តុលា ទាមទារ​កុំ​ឲ្យ​អាជ្ញាធរ បណ្ដេញ​ពួកគាត់​ចេញ ដោយសារ​គម្រោង​ស្ថាបនា​ផ្លូវ​ដែក​នៅ​កម្ពុជា។

គេហទំព័រ​ធនាគារ​អភិវឌ្ឍន៍​អាស៊ី បង្ហាញ​ថា គម្រោង​ស្ថាបនា​ផ្លូវ​រទេះភ្លើង ២​ខ្សែ ពី​ភ្នំពេញ ទៅ​ក្រុង​ព្រះសីហនុ និង​ពី​ភ្នំពេញ ទៅ​ខេត្ត​បន្ទាយមានជ័យ មាន​ចម្ងាយ​ជាង ៤០០​គីឡូម៉ែត្រ។

គម្រោង​អភិវឌ្ឍន៍​ផ្លូវ​រថភ្លើង​នេះ សម្រាប់​ខ្សែ​រថភ្លើង​នៅ​រាជធានី​ភ្នំពេញ គឺ​មាន​ទំហំ ៧​ម៉ែត្រ ៣​ម៉ែត្រ​កន្លះ​ម្ខាងៗ ពី​អ័ក្ស​នៃ​ផ្លូវ​រថភ្លើង។ សម្រាប់​ទំហំ​នៃ​ខ្សែ​រថភ្លើង​នៅ​ផ្នែក​ខាង​ជើង និង​ផ្នែក​ខាង​ត្បូង​គឺ​ទំហំ​នៃ​ផល​ប៉ះពាល់​មាន​ចាប់​ពី ៨ ទៅ ១០​ម៉ែត្រ នៅ​ទី​ជនបទ និង​៧​ម៉ែត្រ​នៅ​ក្នុង​ក្រុង​មាន​ដូចជា ក្រុង​ពោធិ៍សាត់ បាត់ដំបង ក្រុង​សិរីសោភ័ណ និង​ខេត្ត​ព្រះសីហនុ ជាដើម។

ពលរដ្ឋ​ស្នើ​ឲ្យ​ធនាគារ​អេ.ឌី.ប៊ី និង​រដ្ឋាភិបាល អភិវឌ្ឍ​តំបន់​នោះ​សម្រាប់​ប្រជាជន​គ្រប់​គ្នា​ដែល​រស់​នៅ​ ដោយ​ជៀសវាង​ការ​បណ្ដេញ​ចេញ ហើយ​ផ្ដល់​ព័ត៌មាន​លំអិត​ទាក់ទង​គម្រោង​អភិវឌ្ឍន៍​ផ្លូវដែក​ជូន​ដល់​ពលរដ្ឋ​ ឲ្យ​ច្បាស់លាស់​មុន​នឹង​អនុវត្តន៍​គម្រោង​នេះ៕

ពលរដ្ឋ​រង​ផល​​ប៉ះពាល់​ពី​​ការ​ពង្រីក​ផ្លូវ​រទេះភ្លើង​ប្រមូល​ផ្ដុំ​នៅ​អេ.ឌី.ប៊ី

ដោយ ដែន អយុធ្យា, វិទ្យុអាស៊ីសេរី,​ ថ្ងៃទី២៧ ខែសីហា ឆ្នាំ២០១៤

ជម្លោះ​ដី សហគមន៍​ផ្លូវ​រទេះ​ភ្លើង ៧៥

ពលរដ្ឋ​តំណាង​សហគមន៍​ផ្លូវ​រថភ្លើង ក្នុង​រាជធានី​ភ្នំពេញ ដែល​ឡើង​មក​តវ៉ា ផ្ដល់​បទសម្ភាសន៍​នៅ​មុខ​ការិយាល័យ​ធនាគារ​អភិវឌ្ឍន៍​អាស៊ី (ADB) កាល​ពី​ព្រឹក​ថ្ងៃ​ទី​២៦ សីហា ឆ្នាំ​២០១៤។

ប្រជាពលរដ្ឋ​រស់នៅ​តាម​បណ្តោយ​ផ្លូវ​ដែក​ចំនួន ៧​សហគមន៍ ក្នុង​រាជធានី​ភ្នំពេញ បាន​ប្រមូល​ផ្តុំ​គ្នា​នៅ​ពីមុខ​ការិយាល័យ​របស់​ធនាគារ​អភិវឌ្ឍន៍​អាស៊ី ឬ​ហៅ​កាត់ អេ.ឌី.ប៊ី (ADB) នៅ​ថ្ងៃ​ទី​២៦ សីហា បង្ហាញ​កង្វល់​បាត់បង់​លំនៅឋាន​ដោយសារ​គម្រោង​ស្ថាបនា​ផ្លូវ​ដែក​នៅ​កម្ពុជា។

បញ្ហា​នេះ​នាយក​ធនាគារ អេ.ឌី.ប៊ី បញ្ជាក់​ថា ផល​ប៉ះពាល់​ទាំង​អស់​ក្រោម​គម្រោង​នេះ ត្រូវ​អនុវត្ត​ដោយ​គណៈកម្មការ​ដោះស្រាយ​ផល​ប៉ះពាល់​អន្តរក្រសួង​របស់​រាជរដ្ឋាភិបាល​កម្ពុជា។

តំណាង​សហគមន៍​ភូមិ ២៣ ស្ថិត​ក្នុង​សង្កាត់​បឹងកក់២ ខណ្ឌ​ទួលគោក អ្នកស្រី នី សន្តោស ឲ្យ​ដឹង​ថា តាំង​ពី​រដ្ឋាភិបាល​មាន​គម្រោង​ស្តារ​និង​អភិវឌ្ឍន៍​ផ្លូវ​ដែក​នេះ​មក ពួកគាត់​មិន​បាន​ដឹង​ព័ត៌មាន​លំអិត​ទេ ដូច្នេះ​ប្រជា​សហគមន៍​ស្នើ​សុំ​ឲ្យ​ធនាគារ អេ.ឌី.ប៊ី ជួយ​ផ្ដល់​ព័ត៌មាន​លំអិត​ទាក់ទង​គម្រោង​អភិវឌ្ឍន៍​ផ្លូវដែក​ជូន​ដល់​ពលរដ្ឋ​ឲ្យ​ច្បាស់លាស់​មុន​នឹង​អនុវត្តន៍​គម្រោង​នេះ។

អ្នកស្រី​បន្ត​ថា សព្វ​ថ្ងៃ​នេះ​សហគមន៍​ចង់​ដឹង​ថា តើ​គម្រោង​ស្តារ​ផ្លូវ​ដែក​នេះ​ត្រូវការ​ដី​ស្រប​តាម​បណ្ដោយ​ផ្លូវ​រថភ្លើង​ចំនួន​ប៉ុន្មាន​ម៉ែត្រ​ដើម្បី​អភិវឌ្ឍន៍។ ជាង​នេះ តើ​ភាគី​ពាក់ព័ន្ធ​ណា​ខ្លះ​ជា​អ្នក​ទទួល​ខុស​ត្រូវ​ផ្ដល់​សំណង​ជូន​ពលរដ្ឋ​ដែល​រង​ផល​ប៉ះពាល់៖ «អ្វី​ដែល​ពួក​ខ្ញុំ​ព្រួយ​បារម្ភ​ជាង​គេ​នោះ គឺ​ខ្ញុំ​អត់​ចង់​ចាក​ចេញ​ពី​ទីលំនៅ​ចាស់​ទេ។ ដូច្នេះ​ខ្ញុំ​ក៏​បាន​ឃើញ​ក្រុមហ៊ុន​ថូល គេ​ធ្វើ​របង​ចេញ​ពី​អ័ក្ស​រៃ ឬ​ផ្លូវ​ដែក​ហ្នឹង​ចេញ​ទៅ ១០​ម៉ែត្រ។ ហេតុ​ដូច្នេះ​ហើយ​បាន​ជា​ពួក​ខ្ញុំ​នៅតែ​ឆ្ងល់​ថា ចុះ​គម្រោង​ហ្នឹង​មិន​មែន​ត្រឹមតែ ៣​ម៉ែត្រ​កន្លះ ដូច​ខាង​អន្តរក្រសួង​និយាយ​ហ្នឹង​ទេ? អ៊ីចឹង​អ្វី​ដែល​ពួក​ខ្ញុំ​ព្រួយ​បារម្ភ​នៅ​តែ​ព្រួយ​បារម្ភ​ថា តើ​នៅ​ថ្ងៃ​ណា​មួយ​នោះ​គេ​នឹង​បណ្ដេញ​ពួក​ខ្ញុំ​ចេញ​ពី​សហគមន៍»។

ចំណែក​អ្នកស្រី ឆាយ គឿន មក​ពី​សហគមន៍ ១០៤ និង ១០៥ នៅ​សង្កាត់​បឹងកក់២ ខណ្ឌ​ទួលគោក មាន​កង្វល់​ថា រហូត​មក​ទល់​ពេល​នេះ សហគមន៍​ផ្លូវ​រទេះភ្លើង​ក្នុង​រាជធានី​ភ្នំពេញ មិន​ទាន់​ទទួល​បាន​ព័ត៌មាន​ទាក់ទង​គម្រោង​អភិវឌ្ឍន៍​ផ្លូវ​ដែក ឬ​ការ​ផ្ដល់​សំណង​ជូន​ពលរដ្ឋ​ឲ្យ​បាន​ត្រឹមត្រូវ​ទេ។

អ្នកស្រី​បន្ត​ថា សព្វថ្ងៃ​នេះ សហគមន៍​ខ្លាច​គម្រោង​ស្ដារ​ផ្លូវដែក​នៅ​កម្ពុជា នាំ​ឲ្យ​ក​គាត់​បាត់បង់​លំនៅឋាន ឬ​រង​នូវ​ការ​បណ្ដេញ​ទាំង​បង្ខំ ដូច​រដ្ឋាភិបាល​ធ្លាប់​អនុវត្ត​កន្លង​មក៖ «ខ្ញុំ​ឮ​សូរ​រាជ​រដ្ឋាភិបាល​គាត់​និយាយ​ថា ការ​បណ្ដេញ​ចេញ​ហ្នឹង​គាត់​នឹង​ខំ​ឲ្យ​ស្ថាប័ន​របស់​គាត់​ដោះស្រាយ​ឲ្យ​បាន​ត្រឹមត្រូវ តែ​ខ្ញុំ​ដូចជា​មិន​សូវ​ទុកចិត្ត​ត្រង់​ហ្នឹង? អ៊ីចឹង​ហើយ​បាន​ជា​ខ្ញុំ​មក​ដល់​ធនាគារ​អភិវឌ្ឍន៍​អាស៊ី អេ.ឌី.ប៊ី ហ្នឹង ដែល​គាត់​ជា​អ្នក​ឧបត្ថម្ភ​គម្រោង​អភិវឌ្ឍន៍​ពិភពលោក​ហ្នឹង គាត់​ជួយ​ជំរុញ​ឲ្យ​រដ្ឋាភិបាល​ហ្នឹង កុំ​ឲ្យ​បណ្ដេញ​ប្រជាពលរដ្ឋ​ចេញពី​ទីក្រុង។ ឲ្យ​ប្រជាពលរដ្ឋ​បាន​រស់​នៅ​ទីក្រុង​ដូច​នៅ​ប្រទេស​នានា​ដែរ»។

ទាក់ទិន​បញ្ហា​នេះ លោក អៀង វុទ្ធី នាយក​អង្គការ​សមធម៌​កម្ពុជា ដែល​ឃ្លាំមើល​សកម្មភាព​គម្រោង​ស្ថាបនា​ផ្លូវ​រថភ្លើង​របស់​រដ្ឋាភិបាល​ឧបត្ថម្ភ​ថវិកា​ដោយ​ធនាគារ​អភិវឌ្ឍន៍​អាស៊ី។ លោក​ស្នើ​ដល់​ផ្នែក​ពាក់ព័ន្ធ​ត្រូវ​ពិចារណា​ដោះស្រាយ​សំណង ឬ​សំណូមពរ​ជូន​ពលរដ្ឋ​ឲ្យ​បាន​ត្រឹមត្រូវ មុន​នឹង​អនុវត្ត​គម្រោង​នេះ។

​លោក​បន្ត​ថា បើ​សិន​ផ្នែក​ពាក់ព័ន្ធ​មិន​បាន​ដំណោះស្រាយ​សំណង​ផល​ប៉ះពាល់​ជូន​ពលរដ្ឋ​ឲ្យ​ត្រឹមត្រូវ​ទេ អាច​នាំ​ឲ្យ​ប៉ះពាល់​ដល់​កេរ្តិ៍​ឈ្មោះ​របស់​ធនាគារ​អភិវឌ្ឍន៍​អាស៊ី​ធ្ងន់ធ្ងរ​នៅ​ថ្ងៃ​អនាគត។

គេហទំព័រ​ធនាគារ​អភិវឌ្ឍន៍​អាស៊ី បង្ហាញ​ថា គម្រោង​ស្ថាបនា​ផ្លូវ​រទេះភ្លើង ២​ខ្សែ ពី​ភ្នំពេញ ទៅ​ក្រុង​ព្រះសីហនុ និង​ពី​ភ្នំពេញ ទៅ​ខេត្ត​បន្ទាយមានជ័យ មាន​ចម្ងាយ​ជាង ៤០០​គីឡូម៉ែត្រ។

ការ​ស្ថាបនា​នេះ លោក អៀង វុទ្ធី ឲ្យ​ដឹង​ថា បាន​ប៉ះពាល់​ដល់​លំនៅឋាន​ប្រជាពលរដ្ឋ​ជាង ៤​ពាន់​គ្រួសារ ហើយ​កន្លង​មក​នេះ មាន​ពលរដ្ឋ​ជាង ១​ពាន់​គ្រួសារ បាន​ព្រម​ទទួល​យក​សំណង និង​ព្រម​ចាក​ចេញទៅ​រស់​នៅ​ទីតាំង​ថ្មី។

លោក​បន្ត​ថា គម្រោង​ស្ថាបនា​ផ្លូវ​រថភ្លើង និង​ផល​ប៉ះពាល់​លំនៅឋាន​ពលរដ្ឋ​មិន​ទាន់​ដោះស្រាយ​នេះ បាន​កើត​មាន​តាំងពី​ឆ្នាំ​២០១១ មក​ម្ល៉េះ។

បញ្ហា​នេះ លោក អៀរីក ស៊ីដវិច (Eric Sidgwick) នាយក​ធនាគារ​អភិវឌ្ឍន៍​អាស៊ី ប្រចាំ​កម្ពុជា កាល​ពី​ថ្ងៃ​ទី​១៣ ខែ​សីហា បាន​សរសេរ​លិខិត​ឆ្លើយតប​ទៅ​តំណាង​សហគមន៍​រង​ផល​ប៉ះពាល់​នៃ​គម្រោង​ស្ដារ​ផ្លូវ​ដែក​បង្ហាញ​ថា ធនាគារ អេ.ឌី.ប៊ី គឺ​ជា​ដៃគូ​ផល់​ហិរញ្ញប្បទាន​មួយ​សម្រាប់​គម្រោង​ស្ដារ​ឡើង​វិញ​ផ្លូវដែក​នៅ​កម្ពុជា។ លោក​បន្ត​ថា គម្រោង​នេះ​មាន​ក្រសួង​សាធារណការ និង​ដឹក​ជញ្ជូន​របស់​រដ្ឋាភិបាល​ជា​អ្នក​អនុវត្តន៍។

​ជាង​នេះ​រាល់​ការ​ដោះស្រាយ​ផល​ប៉ះពាល់​ទាំង​អស់​ក្រោម​គម្រោង​នេះ ត្រូវ​បាន​អនុវត្ត​ដោយ​គណៈកម្មការ​ដោះស្រាយ​ផល​ប៉ះពាល់​អន្តរ​ក្រសួង​របស់​រាជរដ្ឋាភិបាល​កម្ពុជា។

ធនាគារ​អភិវឌ្ឍន៍​អាស៊ី​បញ្ជាក់​ថា គម្រោង​អភិវឌ្ឍន៍​ផ្លូវ​រថភ្លើង​នេះ សម្រាប់​ខ្សែ​រថភ្លើង​នៅ​រាជធានី​ភ្នំពេញ គឺ​មាន​ទំហំ ៧​ម៉ែត្រ ៣​ម៉ែត្រ​កន្លះ​ម្ខាងៗ ពី​អ័ក្ស​នៃ​ផ្លូវ​រថភ្លើង។ សម្រាប់​ទំហំ​នៃ​ខ្សែ​រថភ្លើង​នៅ​ផ្នែក​ខាង​ជើង និង​ផ្នែក​ខាង​ត្បូង​គឺ​ទំហំ​នៃ​ផល​ប៉ះពាល់​មាន​ចាប់​ពី ៨ ទៅ ១០​ម៉ែត្រ នៅ​ទី​ជនបទ និង​៧​ម៉ែត្រ​នៅ​ក្នុង​ក្រុង​មាន​ដូចជា ក្រុង​ពោធិ៍សាត់ បាត់ដំបង ក្រុង​សិរីសោភ័ណ និង​ខេត្ត​ព្រះសីហនុ ជាដើម៕

ប្រជា​សហគមន៍​រស់នៅ​តាម​ដងផ្លូវ​រថភ្លើង​ទាមទារ​ឲ្យ​ ADB ​ផ្តល់​ព័ត៌មាន​ពិត​ពី​ការអភិវឌ្ឍ​ផ្លូវ​រថភ្លើង​​

ដោយ ថុល ស្រីលក្ខណ៍, VOD សំឡេងប្រជាធិបតេយ្យ, ថ្ងៃទី១១ ខែសីហា ឆ្នាំ២០១៤

ប្រជាពលរដ្ឋធ្វើការតវ៉ានៅមុខ ធនាគារ​អភិវឌ្ឍន៍អាស៊ី​នៅ​កម្ពុជា (រូបដោយ៖ ថុល ស្រី​លក្ខណ៍)

ប្រជា​សហគមន៍​រស់នៅ​តាម​ដងផ្លូវ​រថភ្លើង ប្រមាណ​២០០​នាក់ មក​ពី​សហគមន៍​ចំនួន​៨ ក្នុង​រាជធានី​ភ្នំពេញ នា​ព្រឹក​ថ្ងៃ​ចន្ទ​នេះ ប្រមូលផ្តុំ​គ្នា នៅខាងមុខ​ធនាគារ​អភិវឌ្ឍន៍អាស៊ី (ADB) ដើម្បី​ជំរុញ​ឲ្យ​ធនាគារនេះ ផ្តល់​ព័ត៌មាន​ពិត ពី​គម្រោង​អភិវឌ្ឍន៍​ផ្លូវ​រថភ្លើង ពី​ភ្នំពេញទៅ​កំពុងផែ​ក្រុងព្រះសីហនុ​។

​​អ្នកស្រី នី សន្តោស មក​ពី​សហគមន៍​ភូមិ​២៣ ជា​ប្រជាពលរដ្ឋ​ម្នាក់​ក្នុងចំណោម​អ្នក​ដាក់​ញត្តិ​នោះ​អះអាងថា មូលហេតុ​ដែល​ពួកគាត់​ប្រមូលផ្តុំ​គ្នា​នៅ​ថ្ងៃនេះ ដោយសារ​ធនាគារ​នេះ មិន​បាន​ផ្តល់​ព័ត៌មាន​លម្អិត​ដល់​ពួកគាត់ ដែលជា​អ្នក​រង​ផលប៉ះពាល់​នៃ​គម្រោង​អភិវឌ្ឍ​ផ្លូវ​រថភ្លើង​នេះ​ឲ្យបាន​ច្បាស់លាស់​។ អ្នកស្រី​ថា ម្យ៉ាងទៀត​គម្រោង​អភិវឌ្ឍ​ដែល​ផ្តល់​សំណង​ថ្លៃ​ដី ១​ម៉ែត្រការ៉េ ២០០០​រៀល នោះ​គឺ​មិន​អាច​ទទួលយកបាន​នោះទេ​។

​​អ្នកស្រី មាស ស្រីមុំ ដែល​ចូលរួម​តវ៉ា ដែរ​នោះ​បន្ថែមថា ពួកគាត់​សព្វថ្ងៃ រស់នៅ​ទាំង​ភ័យខ្លាច មិន​ហ៊ាន​សាងសង់​សំណង់ ឬ​ជួសជុលផ្ទះ​នោះទេ ព្រោះ​មិន​ទាន់​ដឹង​ពី​ទំហំ​នៃ​ការអភិវឌ្ឍ​ផ្លូវ​រថភ្លើង​នេះ ឲ្យបាន​ច្បាស់លាស់​។ អ្នកស្រី​ទាមទារ​ឲ្យ​ធនាគារ​នេះ​ផ្តល់​ព័ត៌មាន​លម្អិត​ដល់​ពួកគាត់ ដើម្បី​ឲ្យ​ពួកគាត់​ត្រៀមខ្លួន​ជាមុន ព្រោះ​ពួកគាត់​ត្រូវ​ការរៀបចំ​ផែនការ​គ្រួសារ​ទៅ​ថ្ងៃ​ខាង​មុខ​។

​​តាំងពី​ម៉ោង​៨​ព្រឹក​រហូត​មកដល់ពេលនេះ ប្រជា​សហគមន៍​ទាំងនោះ បន្ត​ប្រមូលផ្តុំ​គ្នា​លើក​បដា និង​ស្រែកច្រៀង នៅខាងមុខ​ធនាគារ​អភិវឌ្ឍន៍អាស៊ី ខណៈ​តំណាង​របស់​ពួកគាត់ ចូល​ជួប​ជាមួយ​មន្ត្រី ធនាគារ​នេះ​។ រហូតមកដល់​ម៉ោង​១២​កិច្ចប្រជុំ​បាន​បញ្ចប់ ហើយ​មន្ត្រី​ធនាគារ​នេះ សន្យាថា និង​ផ្តល់​ចម្លើយ​ឲ្យនៅ​ថ្ងៃស្អែក​។​

​​ការប្រមូលផ្តុំ​របស់​ប្រជាពលរដ្ឋ​នោះ​មិន​មាន​ការ រារាំង​នោះ​ទេ តែ​ឃើញ​មាន​កងកម្លាំង​បង្ក្រាប​ប្រមាណ​១០០​នាក់ ប្រដាប់​ដោយ​ខែល និង​ដំបង ប្រមូលផ្តុំ​គ្នា​នៅលើ​សួនច្បារ​ក្រោម​ដើម​ពោធិ៍ ជិត​ផ្ទះ​លោក នាយករដ្ឋមន្ត្រី​ហ៊ុន​សែន​។​

​​នាយក​លេខាធិការដ្ឋាន​ក្រុមការងារ​ពិសេស​ទទួលបន្ទុក​ផ្នែក​សិទ្ឋិ​លំនៅដ្ឋាន លោក សៀ ភារម្យ មានប្រសាសន៍ថា នេះ​ជា​ការល្អប្រសើរ ដែល​ប្រជាពលរដ្ឋ ចេះ​ស្វែងរក​ព័ត៌មាន​ពិត​ពី​ការអភិវឌ្ឍ ដែល​ប៉ះពាល់​ផ្ទាល់​ជាមួយ​ពួកគាត់​។ លោក​ថា ធនាគារ​នេះ គួរតែ​ផ្តល់​ព័ត៌មាន​ពិត​ដល់​ពួកគេ​។

​​បើ​តាម​ប្រជាពលរដ្ឋ​បានឲ្យដឹងថា ធនាគារ​ADB គ្រោង​បញ្ចប់​គម្រោង​ទី​១​របស់​ខ្លួន​នៅ​ចុងឆ្នាំ​២០១៤​នេះ ដោយ​ពង្រីក​ផ្លូវដែក ទំហំ ៣​ម៉ែត្រ​កន្លះ តែ​ក្រោយមក​មាន​ពាក្យ​ចចាមអារ៉ាម​ថា ទំហំ​ផ្លូវ​នេះ​មាន​ការពង្រីក​បន្ថែម​ទៀត ទើប​ពួកគាត់​ទាមទារ​ឲ្យ​ធនាគា​នេះ បញ្ជាក់​ឲ្យបាន​ច្បាស់​។​

​​តាម​សេចក្តីរាយការណ៍​នានា ឲ្យដឹងថា ធនាគារ​អភិវឌ្ឍន៍អាស៊ី​នៅ​កម្ពុជា ADB ផ្តល់​កម្ចី លើ គម្រោង​វិនិយោគ​ជួសជុល​ផ្លូវ​ដែក​នៅ​កម្ពុជា​ចំនួន​២​ខ្សែ គឺ ពី​ផ្នែក​ខាងត្បូង​ភ្នំពេញ ទៅ កំពុងផែ​ក្រុងព្រះសីហនុ មាន​ប្រវែង ២៥៦​គីឡូម៉ែត្រ និង​ពី​ផ្នែក​ខាងជើង​ភ្នំពេញ ទៅ​ព្រំដែន​ថៃ​ក្រុង​ប៉ោយ​ប៉ែត ចម្ងាយ ៣៨៣​គីឡូម៉ែត្រ តាំងពី​ឆ្នាំ​២០០៧​។ របាយការណ៍ ADB ឆ្នាំ​២០១២ បានឲ្យដឹងថា គម្រោង​នេះ នឹង​ប៉ះពាល់​ដល់​ប្រជាពលរដ្ឋ ចំនួន​៤០០០​គ្រួសារ​នៅ​ទូ​ទាំង​ប​ប្រទេស ក្នុងនោះ​១០៥០​គ្រួសារ​ត្រូវ​ផ្លាស់ប្តូរ​ទីលំនៅ​។ កន្លង​មក​គម្រោង​អភិវឌ្ឍន៍​នេះ រង​ការរិះគន់​ពី​សង្គម​ស៊ីវិល ថា គម្រោង​នេះ​ធ្វើឲ្យ​ប្រជាពលរដ្ឋ​ដែល​រង​ផលប៉ះពាល់ រងគ្រោះ ដោយ​ទទួលបាន​សំណង​បន្តិច​បន្ទួ​ច​៕

​តំណាង​អ្នក​មាន​ជម្លោះ​ដីធ្លី​ចំនួន​១០សហគមន៍​ប្រមូលផ្តុំ​នៅមុខ​ទីស្តីការគណៈរដ្ឋមន្ត្រី​​

ដោយ ជន ស្រីណុច, VOD សំឡេងប្រជាធិបតេយ្យ, ថ្ងៃទី១៧ ខែកក្កដា ឆ្នាំ២០១៤

តំណាង​អ្នក​មាន​ជម្លោះ​ដីធ្លី​ ប្រមូលផ្តុំនៅមុខទីស្តីការគណៈរដ្ឋមន្ត្រី (រូបថត៖ ជន ស្រីណុច)

តំណាង​អ្នក​មាន​ជម្លោះ​ដីធ្លី​មក​ពី​សហគមន៍​ចំនួន​១០​ផ្សេងៗ​គ្នា មាន​គ្នា​ជាង​១០០​នាក់ បានប្រមូលផ្តុំ​នៅ​មុខ​ទីស្តីការគណៈរដ្ឋមន្ត្រី នៅ​ព្រឹក​ថ្ងៃ​ព្រហស្បតិ៍​នេះ ដើម្បី​ទាមទារ​ឲ្យ រដ្ឋាភិបាលជួយ​ពន្លឿន​ដោះស្រាយ​បញ្ហា​របស់​ពួកគាត់​។​

សហគមន៍​ដែល​ប្រមូលផ្តុំ​នៅ​ព្រឹក​នេះ រួមមានបណ្តាញ​សហគមន៍​សន្តិភាព សហ​គមន៍​ការពារដីធ្លី​ខ្មែរ​អមតៈ សហគមន៍​៣៤៧ សហគមន៍​បុរី​កីឡា សហគមន៍​ខ្នង​ក្រពើ​ខាងលិច និង​ខាងកើត​មក​ពី​ខេត្ត​ត្បូងឃ្មុំ​ជាដើម​។

ប្រជាពលរដ្ឋ​ទាំងនោះ​បាន​យក​ញត្តិ​ ដាក់​ទៅ​ទីស្តីការគណៈរដ្ឋមន្ត្រី ដើម្បី​ជំរុញ​ឲ្យជួយ​ផ្តល់ដំណោះស្រាយ​លើ​បញ្ហា​ដីធ្លី​របស់​ពួកគាត់​។ ពួកគេ​ត្រូវការ​ដំ​ណោះស្រាយ លើ​បញ្ហា​ដីធ្លី​ផ្សេងៗ​គ្នា​ដូចជា ត្រូវការ​សំណង​សមរម្យ ត្រូវការ​ប័ណ្ណកម្មសិទ្ធិ​ដីធ្លី ត្រូវ​ការអភិវឌ្ឍន៍​នៅ​នឹង​កន្លែង និង​ទាមទារ​កុំ​ឲ្យ​បណ្តេញ​ចេញ​ជា​ដើម​។

​ពលរដ្ឋ​មាន​បញ្ហា​ដីធ្លី​មក​ ខេត្ត​ត្បូងឃ្មុំ អ្នកស្រី អ៊ុន ឈីង​ចេង រៀបរាប់​ទាំង​ទឹកភ្នែក​ថា ប្រជាពលរដ្ឋ​មាន​ការលំបាក​យ៉ាងខ្លាំង ខណៈ​ក្រុមហ៊ុនចំការកៅស៊ូ​មេមត់ បាន​គូស​បញ្ចូល​ផ្ទៃ​ដី​ប្រជាពលរដ្ឋ​ដែល​ខុទ្ទកាល័យ​លោកនាយក​រដ្ឋមន្ត្រី បាន​ឲ្យ​មន្ត្រី​ថ្នាក់​ក្រោម​កាត់​ដី​នោះ ជា​កម្មសិទ្ធិ​ប្រជាពលរដ្ឋ​ហើយ តែ​ក្រុមហ៊ុន​នៅ​តែ​បំពាន។ អ្នកស្រី​បន្ត​ថា បើទោះបីជា​មាន​សំណើ​ពី​ថ្នាក់លើ​ឲ្យ​កាត់​ដី​នោះ​ជូន​ប្រជាពលរដ្ឋ​ក្តី​ តែ​មន្ត្រី​ថ្នាក់ក្រោម​មិន​បាន​ធ្វើតាម​ទេ។​

​ចំណែក​អតីត​ពលរដ្ឋ​ បឹងកក់​ក៏​សុំ​អន្តរាគមន៍​ឲ្យ​ទីស្តីការគណៈរដ្ឋមន្ត្រី​ជួ​យ​ដោះស្រាយ​បញ្ហា ​ពលរដ្ឋ​បណ្តេញចេញ​ដោយ​បង្ខំ​ដែរ។ អ្នក​សយ កុឡាប រៀបរាប់ថា ប្រជាពលរដ្ឋ​ជួប​ទុក្ខលំបាក ជា​ពិសេស​មាន​ជំងឺ​ឈឺ​ថ្កាត់ កូនចៅ​អត់​សាលារៀន ខ្វះ​ខាត់​គ្រប់​សព្វបែបយ៉ាង ដោយ​លទ្ធផល​នៃ​ការបណ្តេញ​ចេញ​ទាំង​បង្ខំ សំណង​មិន​សមរម្យ។

នៅ​ម៉ោង​ជាង​១០​ព្រឹក​នេះ សមត្ថកិច្ច​បាន​គៀង​ប្រជាពលរដ្ឋ​ទាំងនោះ​ចេញ​ពី​មុខ​ ទីស្តីការគណៈរដ្ឋមន្ត្រី ខណៈ​តំណាង​ពួកគេ​ចូល​ដាក់​ញត្តិ​។ រហូតមកដល់​ម៉ោង​ជិត​១២​ថ្ងៃនេះ  នៅ​មិនទាន់​មាន​ការឆ្លើយតប​ពី​មន្ត្រី​រដ្ឋាភិបាល​ទេ។

​របាយការណ៍​របស់​អង្គការ​លីកាដូ បានបង្ហាញ​ថា ចំនួន​គ្រួសារ​រងគ្រោះ ដោយសារ​ជម្លោះដីធ្លី​ពាក់ព័ន្ធ​នឹង​មន្ត្រី​រដ្ឋ និង​ភ្នាក់ងារ​រដ្ឋ​ក្នុងប្រទេស​កម្ពុជា ចាប់តាំងពី​ឆ្នាំ​២០០០​មក បាន​កើនឡើង ជាង​កន្លះ​លាន​នាក់​។ របាយការណ៍លីកាដូ កាល​ពី​មេសា បង្ហាញថា គ្រាន់តែនៅ​ឆ្នាំ​២០១៤​នេះ ជម្លោះ​ដីធ្លី​នៅ​កម្ពុជា នាំមក​នូវ​រលក​ថ្មី ដែល​មាន​ហិង្សា​នៅតែ​បន្ត​កើតមានឡើង ហើយ​ផ្តល់​ផល​អាក្រក់​ដល់​ប្រជាជន២២៤៦គ្រួសារ ​នៅ​ស្ទើរ​គ្រប់​ខេត្ត​៕

សមត្ថកិច្ចត្រូវបានដាក់ពង្រាយនៅមុខទីស្តីការគណៈរដ្ឋុំមន្ត្រី

Where are the railways monitoring reports?

No new social monitoring reports on the railways rehabilitation project have been published since November 2012, raising concerns about the lack of external monitoring of the project as well as public access to information regarding the project. Redecam, the supposedly independent project monitor hired by the government, is meant to submit quarterly reports featuring details of the social impacts of the the ADB and AusAID-financed project. These are subsequently uploaded to the ADB website for public access. Yet the latest publicly available report, #19, covers the time period Aug-Nov 2012, and no reports have been public since. While the quality of Redecam’s reports has generally been poor, the lack of reports entirely underlines the ongoing lack of transparency and accountability that has plagued the railways project from the get-go.